[Unicode]
အခန်း(၈၁):အိမ်ကို အတူတူ ပြန်ရအောင် နှင့် အစ်ကိုကြီးကို ကူညီပေး
နွေဦးနှောင်းပိုင်းတွင် ရာသီဥတုက မအေးသော်လည်း ညဘက်တွင် အနည်းငယ်တော့အေးနေသေးသည်။ထို့အပြင် နှစ်ယောက်စလုံးသည် ခေါင်းမှ ခြေဖျားအထိ စိုရွှဲနေခဲ့သေးသည်။
"ဟက်ချိုး!" ထန်ရှောင်းယွီ အိမ်ပြန်ရောက်သောအခါ ဖိနပ်ချွတ်နေရင်း နှာချေလိုက်၏။
"ကိုယ် မင်းအတွက် သကြားညိုနဲ့ဂျင်းလက်ဖက်ရည် လုပ်ပေးမယ်" ချိုးကျီယန်သည် ကမ်းလှမ်းလိုက်သည်။
"ရေအရင်ချိုးလိုက်ဦး.."
ထန်ရှောင်းယွီ မတ်တပ်ထရပ်လိုက်ပြီး "အကိုကျီရန် အခု အအေးမိပြီးအသံပျောက်သွားရင် Mikeက သူ့လက်ကောက်ဝတ်ကို လှီးဖြတ်ပြီး ကျွန်တော်ရှေ့မှာ သတ်သေသွားလိမ့်မယ်" သူက တစ္ဆေသရဲအဖြစ်ကို ပြောင်းလဲသွားရင်တောင် မြည်တွန်တောက်တီးနေအုံးမှာပဲ,ကြည့်ရတာနဲ့တင် ကြောက်စရာကောင်းလွန်းမယ့် မြင်ကွင်းပဲ!
"ဒါဆို အတူတူ ရေချိုးရအောင်" ထန်ရှောင်းယွီ၏ပခုံးကို လက်နှစ်ဖက်ဖြင့် ပွေ့ဖက်ထားလိုက်ပြီး ချိုးကျီယန်သည် ရေချိုးခန်းဘက်သို့ ဦးတည်ကာလျှောက်သွားသည်။
"ဘာလို့ ကျွန်တော်က မီးဖိုချောင်ထဲမှာ သကြားရည် သွားမကြိုရမှာလဲ?" ထန်ရှောင်းယွီသည် ထွက်ပြေးရန် ကြိုးစားလိုက်သည်။
"မင်း အအေးမိသွားရင် မင်းရှေ့မှာ ကိုယ့်လက်ကောက်ဝတ်ကို ဖြတ်ပစ်လိုက်မယ်" ချိုးကျီယန်သည်လည်း လေးနက်စွာ စစ်ကြေငြာလိုက်သည်။
ထန်ရှောင်းယွီက သူ့စိတ်ထဲတွင် လုံး၀ကမောက်ကမ ဖြစ်နေသလို ခံစားလိုက်ရပြီး "ဒါကို ယုံမယ်လို့ ထင်လား?"
"ဘာလို့မဖြစ်ရမလဲ? ကိုယ်တကယ် ပြောနေတာ!" ချိုးကျီယန်၏မျက်နှာသည် အံ့ဩခြင်းများဖြင့် ပြည့်နှက်နေပြီး သူ့ကိုယ်သူ သတ်သေခြင်းအကြောင်းပြောနေသည်မှာ အိပ်လိုက်,စားလိုက် ပြောကဲ့သို့ သူ့အတွက် ပို၍သဘာဝကျကျပင်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
