[Unicode]
အခန်း(၉၅):ဓါးစာခံ နှင့် ထူးဆန်းသော ကယ်တင်ခြင်းဖြင့် ကယ်တင်ခံရခြင်း
"မင်းကို XiLa ဟိုတယ်ကို ခေါ်သွားပေးရမလား?" ဟန်ဝေက ကားမောင်းရင်း မေးလိုက်သည်။
“ရပါတယ်။ အဲ့ကို မသွားတော့ဘူး” ထန်ရှောင်းယွီသည် ထိုဟိုတယ်တွင် အများအားဖြင့် နာမည်ကြီးများ တည်းခိုလေ့ရှိသောကြောင့် ကမ်းလှမ်းချက်ကို အမြန်ငြင်းဆိုခဲ့သည်။
တစ်စုံတစ်ယောက်က ငါအဲဒီကိုသွားမှန်း သိသွားပြီး ချိုးကျီယန်ကိုပြောလိုက်ရင် ငါသေလိမ့်မယ်!
"ဘာလို့ ငါ့ နေရာမှာ လာမနေရတာလဲ?" လော့လီက ခေါင်းလှည့်ပြီး ထန်ရှောင်းယွီကို မေးလိုက်သည်။
ဖာ့ခ်!ဆုနိုက ရှေ့မှာ မတ်မတ်ထိုင်လိုက်ပြီး လော့လီကို မျက်လုံးတွေနဲ့ စိုက်ကြည့်နေတော့ ထန်ရှောင်းယွီမှာ ပါးစပ်ဖွင့်ဖို့ အချိန်တောင်မှ မရလိုက်ပေ။
ခင်ဗျားက ကျွန်တော့်ကို မျက်စိကျနေရုံတင်မကဘူး။ ကျွန်တော့်သူငယ်ချင်းကိုပါ လှည့်စားမလို့ပေါ့လေ။ခင်ဗျား ဘယ်လောက်တောင် သတ္တိရှိနေတာလဲ!ဒီလူက တကယ်ကို ပြဿနာကောင်ပဲ!
“.......”
လော့လီသည် ဒီအချိန်မှာတော့ စိတ်ရင်းမှန်ဖြင့် ငိုရမလား ရယ်ရမလား မသိတော့ပေ။ထန်ရှောင်းယွီကို သူ့အိမ်မှာ တစ်ညလောက်နေခိုင်းဖို့ စိတ်ကူးထားတာကလည်း သူက ကစားပွဲအတွက် များစွာကူညီခဲ့တာမို့လေ။
"ကျွန်တော် ကြုံရာဟိုတယ်မှာပဲနေလိုက်ပါ့မယ်" ထန်ရှောင်းယွီသည် လော့လီ၏အိမ်သို့လည်း မသွားချင်တာမို့ လမ်းဘေးရှိ ဟိုတယ်တစ်ခုကိုတွေ့တော့ ဟန်ဝေအား ကားရပ်ရန် ပြောခဲ့သည်။
“ဒါဆို သတိထား” ဆုနို သူ့ကို သတိပေးလိုက်သည်။ "တစ်ခုခုဖြစ်ရင် ငါ့ကိုဖုန်းဆက်လိုက်နော်။မနက်ဖြန်ကျရင်လည်း စောစော အိမ်ပြန်"
ထန်ရှောင်းယွီသည် ခေါင်းညိတ်လိုက်ပြီး သူ့အိတ်ကို လော်ဘီထဲသို့ ဆွဲလာခဲ့သည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
