[Unicode]
အခန်း(၈၃):အမှုစစ်ဆေးခြင်း နှင့် ဆေးရုံကို အတူတူသွားကြမယ်
"ငါ့ကိုပြော!မင်းတို့နှစ်ယောက် ဘယ်တုန်းကတည်းက အတူတူဖြစ်သွားကြတာလဲ?" ဒိုင်အန်းက တကယ်ကို တင်းကြပ်တာပဲ။
အနှစ်သာရမရှိတဲ့ 'အတူတူဖြစ်သွားကြတယ်' ဆိုတဲ့ စကားမျိုး ဘယ်လိုများ ပြောထွက်ရတာလဲ?
ဆုနိုသည် သူ့မျက်လုံးတွေနဲ့သာ ကန့်ကွက်လိုက်ပြီး “တော်တော်ကြာနေပြီ” လို့ ရိုးသားစွာ ပြန်ဖြေလိုက်သည်။
"တော်တော်ကြာပြီ!" ဒါကိုကြားပြီးနောက် ဒိုင်အန်းသည် သွေးအန်ထွက်လုနီးပါးဖြစ်သွားပြီး "ဒါဆို Duan Rui အတွက် ရိုက်ကူးရေးပြီးကတည်းက အိုးရန်လုံနဲ့ ချိန်းတွေ့ခဲ့တာလား?"
ဟုတ်တယ်!
ဆုနိုသည် ရိုးရိုးသားသား ခေါင်းညိတ်ပြရင်း ပြောလိုက်သည်။ "ငါတို့ မြင်မြင်ချင်း ချစ်မိသွားတယ်!"
နည်းနည်းချဲ့ကားထားပေမယ့် လှပတဲ့အချစ်က ဒီလိုပဲဖြစ်သင့်တယ်လေ!
"ဒီလောက် အရေးကြီးတာကို စောစောကတည်းက ဘာလို့မပြောခဲ့တာလဲ!" ဒိုင်အန်း အော်ဟောက်လိုက်သည်။
"အစောကြီးကတည်းကမှ မမေးတာလေ" ဆုနိုကညည်းညူလိုက်သည်။
"ဒီအကြောင်းကို ဘယ်သူသိသေးလဲ?" ဒိုင်အန်းသည် အလွန်စိတ်ညစ်လို့နေပြီ။
“ငါ့မိသားစုဝင်တွေပဲ သိသေးတယ်” ဆုနိုသည် ကျုံးလီဖုန်းပိုင်ကို အလိုအလျောက် လျစ်လျူရှုခဲ့သည်။ ဘာပဲဖြစ်ဖြစ်လေ သူက အရေးမှမကြီးတာကို!
"အဲဒါကောင်းတယ်။" ဒိုင်အန်းသည် သက်တောင့်သက်သာဖြင့် အသက်ကိုရှူထုတ်လိုက်သည်။
"အချစ်လေး...မင်းစိတ်ဆိုးမှာတော့ မဟုတ်ဘူးမဟုတ်လား?" ဆုနို၏မျက်လုံးများသည် ရိုးသားမှုအပြည့်နှင့်။
"ဒေါသထွက်မှာ!!!!!!"
ဒိုင်အန်းသည် တောင်များနှင့် မြစ်များက သံယောင်လိုက်သည်အထိ အော်ဟောက်လိုက်သည်။relationship ရှိနေတာကိုမှ ဆိုးရွားနေပြီဖြစ်ပြီး အဲ့ဒီအပြင်ကို ယောက်ျားတစ်ယောက်နဲ့ တွဲနေတာ ဖြစ်နေသေးတယ်။ ဒီစကားကို ကျယ်ကျယ်လောင်လောင် ပြောတာမျိုးဆိုရင်တောင် လူတွေကို သေတဲ့အထိ ကြောက်လန့်စေလိမ့်မယ်!
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
