[Unicode]
အခန်း(၆၁):Heaven-bending Brother နှင့် ခန့်ညားတဲ့ ဒါရိုက်တာကြီး
"အောက်ထပ်မှာရှိနေတဲ့လူက မင်းကိုတစ်သက်လုံးကောင်းကောင်းမွန်မွန်ဆက်ဆံလိမ့်မယ်ဆိုတာ မင်းသေချာလား? " မမျှော်လင့်ဘဲ ဟန်ဝေသည် ဆုနိုအား ဒေါသတကြီး အော်ဟစ်ခြင်းမပြုခဲ့ပေ။
".......တစ်သက်လုံးဆိုတဲ့ ကာလအပေါ်မှာ ကျွန်တော် မသေချာပါဘူး" ဆုနိုသည် မေးခွန်းကြောင့် အနည်းငယ်အံ့သြသွားပြီး သူ ဆက်၍ ပြောလိုက်သည်။ "ဒါပေမယ့်ဘာပဲဖြစ်ဖြစ် ကျွန်တော် အဲ့ဒီအပေါ်မှာ လောင်းကြေးထပ် ကြည့်ချင်တယ်"
"မင်းလောင်းတာ ရှုံးသွားရင် ဘယ်လိုလုပ်မလဲ?" ဟန်ဝေသည် ဆုနို၏ဆံပင်လေးတွေကို သပ်ပေးလိုက်သည်။
"ဒါဆိုရင် ကျွန်တော် ကံမကောင်းဘူးလို့ပြောနိုင်တာပေါ့" ဆုနို သူ့အစ်ကိုကြီးကို ရဲရင့်သည့်မျက်ဝန်းများဖြင့် မော့ကြည့်လိုက်ရင်း သူ ဆက်ပြောလိုက်သည်။ "ကျေးဇူးပြုပြီး ကျွန်တော့်ကို ဒီအခွင့်အရေးလေးပေးလို့ရမလား? "
"မင်းက နာမည်ကြီးမော်ဒယ်တစ်ယောက်ဖြစ်နေတာကလွဲရင် သူ မင်းအကြောင်း တခြားဘာတွေကိုသိသေးလဲ?" ဟန်ဝေသည် ကူကယ်ရာမဲ့စွာဖြင့် ဆက်ပြောလိုက်သည်။ "လူနှစ်ယောက် အတူနေဖို့ အခြေခံအကျဆုံးက တစ်ယောက်နဲ့တစ်ယောက် နားလည်မှုပေးနိုင်ဖို့ပဲ။မင်းသူ့ကို ဘယ်လောက်သိတယ်ဆိုတာကို ဘေးဖယ်ပြီး မင်းအကြောင်းကိုရော သူဘယ်လောက်သိလဲ? မင်းရဲ့မိသားစု၊ မင်းရဲ့နောက်ခံ၊ သူက မင်းအကြောင်းဘာမှမသိဘူး။ ဒီလိုဆက်ဆံရေးမျိုးက တစ်သက်လုံးကြာရှည်အောင် ဘယ်လို ထိန်းသွားနိုင်မှာလဲ?"
"......ဒါဆိုရင် အစ်ကိုကြီးက မာကျောက်လုပ်ငန်းနဲ့ အသက်မွေးဝမ်းကျောင်း မလုပ်တော့ဘူးလို့ သူ့ကို ပြောလိုက်မယ်!" ဆုနို ရှက်ကိုးရှက်ကန်းဖြင့် ပြောလိုက်သည်။
"မင်းက အရွယ်ရောက်နေပြီ။ မင်းကိုယ်တိုင်စဉ်းစားသင့်တယ်" ဟန်ဝေသည် ဆုနို၏အဝတ်အစားတွေကို သပ်ရပ်အောင် ပြင်ပေးနေရင်း ပြောလိုက်သည်။ ထို့နောက် သူ ဆက်လက်၍ "အချိန်တိုင်း ကလေးဆန်ဆန် ဝုန်းဒိုင်းကြဲပြီး ပြသာနာတွေကိုဖြေရှင်းနေလို့မရဘူး။မင်း နားလည်ရဲ့လား?"
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
