مجنونة اقتحمت حياتى (مكتملة )

اقتباس ٢

-: اه يعنى انت عاوزنى اسيب جاكلين خطبتى واتجوز اسطى النجار دى ..

اغتاظت هى من التقليل منها امام جدها لتقول
-: بقولك ايه يا برنس الليالى انا كنت سكتالك من الصبح ومش عاوزة اتغابا عليك ..

اظلمت عيناه وهو يقترب منها ،وقف يواجها بشموخ كالصياد المتأهب لفريسته لتقول بصوت مهزوز
-: اا انت يعنى عشان طويل كده وعريض المنكبين هتفترى على خلق ربنا .. اا انا هسكت عشان بس الراجل الكبارة ده

كانت تشير الى جدها الذى احتقن وجه من الغضب ليقول
-: بقولك ايه انت وهى انا مش قادر للى بتعملوه ده

-: يا جدى اسمعنى بس انا سراج السيوفى اتجوز على اخر الزمن اسطى نجار .. يعنى يوم ما تتخانق معايا تضربنى بالمطرقة وانا اخرم دماغها بمسمار ..

عقدت زراعيها امام صدرها وهى تتحدث بغرور
-: اا انا مسمحلكش لاموأخذة تقلل منى انا معلمين الناحية كلها اتقدمولى بس انا الى رفضتهم طب عارف الواد حمادة بتاع الدش كلم خالتى نوسة عليه الاسبوع الى فات وانا الى قولتلها لا مبفكرش فالجواز ..

رجع الى الخلف عدة خطوات ليجلس على الاريكة وكوب وجهه بيديه قائلا
-: دى هتفضحنا !!

الجد بصوت حازم
-: انا قلت الى عندى محدش هيستلم ميراث غير لما انت تتجوزها واخوك احمد يتجوز هانيا ...

بوسة: بص يا جدى كل الى فات ده كلام فالهرى وخلاص انا كنت بطاوعك عشان انت جدى وكمان عشان وصية ابويا انى ابقى ازورك واودك انما تقولى جواز نيني نينى لا مليييش فيه ..

-: اسمعى منى بس يا بسمة انا خلاص شكل اجلى قرب وتعبان مبقتش حمل الخناق بتاعكم ده .. سراج ده طيب وحنين بس هو متنشن شويه من الحركات الى بتعمليها ..

كانت هى لا تستمع اليه ليجذب نظرها صوت النافذة التى تصدر صريرا من الوقت للتانى اتجهت اليها لتعرف ما سبب هذا الصوت وتحاول ان تصلح الامر ..

-: اهو شوفت بعينك رايحة جاية تشوف اي حته خشب قدامها تلعب بيها .. انت متخيل يا جدى دى لو طلعت وسط عليه المجتمع هتعمل فينا ايه دى هتفضحنا

احتقن وجهها من حديثه اللاذع لتتجه نحو باب الغرفة وتدير المقبض وهى تقول
-: بعد اذنك يا جدى انا هروح بيتى وابقى اجى ازورك من وقت للتانى وبخصوص بقى الورث والفلوس فانا مش عاوزة حاجه الحمد لله ابويا مات وسابلى ورشة زى الفل باكل منها عيش ...

-: على فكرة انا اشتريت الورشة والبيت كله الى انتى قاعده فيه

خرجت ثم عادت مدت راسها من فتحة الباب لتقول
-: تمام يبقى انا كده اجبلك فلوس الايجار هنا كل شهر .. سلام بقى

كادت ان تغلق الباب الا ان صوته اوقفها قائلا
-: البيت والورشة طلعلهم قرار هدم على فكرة ...

-: نعم !!

-: اه انا بعت المحامى وخلص كل حاجه فالكام يوم الى فاتوا والناس اخدت شقق بدال الى كانت فيها ..

-: طب وانا

-: ملكيش حاجه هناك انما ليكى هنا !!

-: يي يعنى انا كده بقيت فالشارع

-: لا شارع ايه انتى صاحبة ملايين يا بسمة ...

قولولى رايكم اكمل ولا اخد بوسة في ايدى وامشى .. الرواية اولى حلقاتها هتنزل باذن الله ٢٠ سبتمبر انتظروووو ونى