مجنونة اقتحمت حياتى (مكتملة )

الفصل الثانى والعشرون

الفصل الثانى والعشرون

" اللهم وفقنى لما تحبه وترضاه "

-: هو احنا مش خلاص خلصنا منك ايه الى رجعك تانى !

ظهر من خلف الباب ذلك الرجل الضخم الذى يشبه المصارعين وهو يقول
-: الهوا رمانى يا بسبوسة حياتى !

قلبت عينيها بملل وقالت
-: بقولك ايه يا شوقى انا فيه الى مكفينى ومش فايقة للمشاكل الى بتعملها دى ولا لوجع الدماغ بتاعك ..

-: بس انا بحبك يا ست البنات ، ودخلت السجن بسببك !

جزت على اسنانها بغيظ وقالت
-: دخلت عشانى انا ! يخربيتك ده انت ضربت الراجل سيحت دمه !

-: عشان عاكسك لامؤاخذة ... وانا الى يبص لحريمى اخزقله عنيه !!

-: حريمك هو انت خلتنى من ضمن حريمك امشي يا شوقى الله لا يسيئك ..

اقترب منها بجسده العريض وقال
-: المرة دى مش ناوى اسيبك غير وانتى على ذمتى ..

-: يا مصبر الوحش عالجحش ياربى .. بص من الأخر كده انا اتجوزت فكك منى بقى !!

-: نعم يا ختى اتجوزتى !!

هزت راسها بايجاب وقالت
-: ايوه اتجوزت !! روح بقى لمرتاتك التلاتة الى على ذمتك و سبنى فى حالى ..

صك اسنانه وتحولت عينيه للسواد القاتم تراجعت هى للخلف خوفا من هيئته لتقول
-: لا بص بقولك ايه انا مبخافش منك اه !

تحدث من بين اسنانه قائلا
-: واهنى برميل ده الى اتجرأ وبص لحاجة ملك شوقى الحطاب ..

-: اهو الى حصل بقى يا برميل قصدى شوقى كل شئ قسمة ونصيب ..

خرجت نوسة من الداخل وقالت
-: يوه شوقى انت طلعت من السجن امتى !  كفارة يا خويا !

-: لسه واخد افراج النهاردة ، ينفع كده اطلع الاقى بوسة اتجوزت مكنش العشم ..

-: النصيب بقى يا شوقى روح يا خويا شوف مرتاتك وعيالك زمانهم قلقانين عليك ! وابقى تعالا سلم على امك اعدة عندى ويومين تلاته ...

-: قطتوا كلهم وقطع سيرتهم انا هطلقهم كلهم !

-: ليه يا شوقى كده !

-: انا كنت عامل حسابى انى هطلقهم واتجوز بوسة ..

ابتلعت بوسة لعابها بخوف وقالت
-: مم منا قولتلك انى اتجوزت !

ابتسمت نوسة وقالت
-: بس انتى قلتى انك هتطلقى مش كده !! يبقى شوقى اخويا اولى بيكى !!

-: مين ده الى أولى على اساس انها ايه بالظبط .. وبعدين مين قال انى هطلق مراتى

اتسعت عينى بسمة حينما رأت سراج يدخل ويقف امامهم ..
اقترب منه شوقى وهو يتفحصه من اعلاه لاسفله قائلا
-: ومين بقى الاستاذ !!