مجنونة اقتحمت حياتى (مكتملة )

الفصل الثالث

اللهم لك الحمد كما ينبغى لجلال وجهك وعظيم سلطانك
رونى محمد

صعد المحامى الى الدور الثالث وتعجب من اصوات الاغانى المرتفعة والضحكات الخليعة التى تصدح فى الاجواء الا انه تجاهل كل ذلك وضغط بيده على زر الجرس متمنيا داخله ان يجد تلك الفتاه وان ينهى عمله ..

بعد دقائق انفتح الباب ليتحرك خطوة الى الوراء حينما لمح تلك الفتاة التى تقف امامه بملابس كاشفة عن جسدها بسخاء وتمضغ العلكة بفمها بطريقة تناسب هيئتها الضالة ..

مالت بجسدها على الباب وهى تقول
-: وانت عاوز ايه بقى يا حضرت ..

استطاع بصعوبة سماع ما قالتله هذه الفتاه بسبب ارتفاع اصوات الموسيقى ، نظف حلقه قائلا
-: احم عاوز الانسة بوسة هى ساكنه هنا !!

-: مين يا خويا على صوتك شويه عاوز مين ؟

-: اللهم طولك يا روح ما توطى الزفت ده خلينى اعرف اتكلم ..

جاءت سيدة اخرى من خلفها لتقول
-: مين يا بت يا بوسي ..

تنحت بوسي جانبا لتظهر تلك السيدة التى تلون وجهها بالمساحيق التجميلية وكانها لوحة فنية سكبت عليها جميع انواع الدهانات ، اشمئز هو من هيئتها ليعيد سؤاله قائلا
-: انا عاوز الأنسة بوسة الاقيها هنا ؟

-: هيئ هيئ الا هنا دا احنا هنا اساس البوس والاحضان وكل حاجة ..

-: احم طب ممكن تناديهالى هقولها كلمتين ..

-: وهو ينفع من عالباب كده .. ده الموضوع لازمله اعده كده

مدت يدها لتجذبه نحوها بينما هو تراجع الى الخلف وهو ينظر لها بأشمئزاز قائلا
-: بقولك ايه يا ست انتى انا مش عاوز اتغابى عليكى اندهيلى بوسة ولا بسمة فى ليلتكم الى مش معدية دى خلينى اقولها الكلمتين الى عندى وأمشي ..

-: ماله ده يا بت يا بوسي متظرظر كده ومش طايق نفسه ..

-: شكله يا ابلتى خبط غلط علينا وعاوز البت بوسة الى فوق

-: يا ختاااى قطعت وقطعت سيرتها افتكرى حاجه عدلة ..

-: بقولك ابه يا سي الاستاذ سيبك من بوز الاخص الى فوق دى وتعالا هنا احنا عندنا بنات فرز اول بدال الكسر الى فوق دى ..

-: هى مين دى الى كسر يا وليه يا حرباية يا الى شبه برميل الطورشى

كان هذا الصوت هو صوت بسمة التى استمعت الى حديثهم منذ قليل ..

شحب وجه الاخرى وقالت : احنا منقصدش حاجه عن اذنك بقى عشان ورانا شغل ..

كانت بوسي ستغلق الباب الا ان يد بوسة منعتها وجذبتها سريعا من شعرها وهى تقول
-: وسع كده شوية يا سي الاستاذ لما ادخل اعرفها تمامها وبعدين اجيلك ..