مجنونة اقتحمت حياتى (مكتملة )

الفصل الرابع والعشرون

الفصل الرابع والعشرون ..

" اللهم اغفر لى ولأبى واسكنه فسيح جناتك "

   استغل مراد سفر والده الذى سيستغرق عدة اشهر  بعدما عرف بأمر انفصاله عن فريدة  فجاء بهانيا الى الفيلا الخاصة به ،  اما هى فقد عادت معه  ولكن قررت  ان تجعل هذا الشهر يفوت لتعود الى عائلتها وتخبرهم الحقيقة ، هل سيصدقونها .. ام ماذا !
  هل سيقبل بها أحمد من جديد هل مازال يحبها ويتمنى الارتباط بها ....
قطع تأملها صوت الباب فأذنت للخادمة بالدخول لتقترب منها عدة خطوات وقالت بأدب
-: مراد بيه بعتنى وبيقولى مستنيكى تحت عشان تفطرى معاه ..

قلبت عينيها بملل وقالت
-: روحى قوليله ملييش نفس ..

-: بس هو اكد عليه منزلش من غيرك ..

-تأففت الاخرى وشدت الغطاء عليها وقالت
-: اوووف ملكيش دعوة روحى قوليله نايمة ولا اى زفت انا مش هنزل ولا عاوزة اشوف وشه اصلا !!

تعجبت الخادمة فاقتصرت الحديث وقالت
-: طيب براحتك ..

خرجت الخادمة واتجهت الى مراد واخبرته ما قالته هانيا لها اغتاظ هو من عنادها فهو يريد ان يتقرب منها وقد افصح لها عن الحقيقة فى مقابل ان تعطيه فرصة ليبدأ كلا منهم من جديد ، ولكنها شخصية عنيدة لا تلين بسهولة ابدا ....
-: طيب روحى انتى وانا هطلعلها !!

امتثلت الخادمة لأمره وهو انطلق مسرعا نحو غرفتها ، لم ينتظر حتى تأذن له بالدخول ، جفلت حينما فتح الباب بعنف وهو يتقدم منها قائلا
-: هو مش انا بعتلك عشان تنزلى ! منزلتيش ليه !

عقدت زراعيها امام صدرها وقالت
-: اعتقد انى قولتلها انى مش جعانة ..

اغتاظ من نبرتها الباردة ليقترب منها عدة خطوات وقال
-: هانيا انا مبحبش العند قولتلك لازم تدى فرصة لعلاقتنا  وأننا نبدأ من جديد ..عالأقل لازم تساعدينى فى ده !

وقفت وهى تنظر داخل عينيه بقوة  وقالت
-: أهنى علاقة دى الى اديها فرصة ... انت واحد مخادع وكداب ... اهنى علاقة دى الى هتتبنى على باطل

اجابها بشجن قائلا
-: لا مش باطل انا .. انا بحبك..

-: وانا مبحبكش ومستحيل أحبك ... لو كان فى أمل ولو 1% انى افكر فيك فالأمل ده دلوقتى مش موجود ..

اغمض عينيه بحزن وعاد فتحها وقد قرر استعطافها فاقترب منها اكثر وحاول لمس يدها ، بينما هى انتفضت وتراجعت للخلف وقالت بنفور
-: ابعد عنى متقربش !

رفع يده وهو يرجع خطوة للوراء حتى يطمأنها وقال
-: صدقينى يا هانيا انا بحبك وبجد محتاجك جنبى ..

كانت تدور بالغرفة وهى تتحدث بغضب غير مهتمة لمشاعره التى سحقتها تحت قدميها فهى لم تغفر له ما فعله بها يوما ..لتقول بغل بعدما اعماها الغضب
-: وانا بكرهك .. ومش عاوزة اشوفك .. كل ما اشوفك هفتكر الى عملته فيه .. هفتكر انك كسرتنى قدام اهلى ... هفتكر اكتر وقت كنت موجوعة فيه وانت كنت السبب.. فى ألمى ووجعى و