مجنونة اقتحمت حياتى (مكتملة )

الفصل التاسع

الفصل التاسع ..

اللهم لك الحمد كما ينبغى لجلال وجهك وعظيم سلطانك ..

-: ما تلم نفسك يا جدع انت

-: طب ما تجيبي رقمك ونتلم سوا

-: تصدق انك قليل الادب

غمز جاسر لها وقال
-: طب ايه رأيك لو تيجى معايا وتربينى بنفسك  ..

-: ومالو يا خويا  انت فعلا نقصك رباية
هو انت يعنى صغير !!

رفعت سمر يدها لتحاول صفعه الا ان مؤمن امسك يدها قائلا
-: مش كده يا انسة طب قوليلى هو عملك ايه ..

-: عمله اسود ومهبب اللفندى ده بيعاكسنى ..

عقد جاسر زراعيه وقال
-: دى طلعت بيئة اوى يا صاحبى يلا بينا مش نوعنا خالص ..

صكت اسنانها بغيظ وهى ترفع سبابتها امام وجهه
-: دا انتم شكلكم متفقين بقى ..

نفى مؤمن براسه سريعا ليقول
-: مم متفقين ايه ده انا اول مرة اشوفه ..

اجابه جاسر ممازحا وهو يقترب منه ويتحدث بنبرة انثوية مائعة ليقول
-: كده يا خاين عاوز ترمينى بعد ما خدت الى انت عاوزه .. نسيت ايامنا سوا ..

اتسعت عينيها فى زهول  لتقول
-: ايامكم!! هو انتم طلعتم قوس قزح اعوذ بالله داهية تولع فيكم والى خلفوكم فى ساعة واحدة ..

تحركت  لعدة خطوات بعيدا عنهم ليسرع مؤمن باتجاها قائلا
-: استنى بس يا أنسة انتى فاهمة غلط ، ده ده بيهظر

استدارت له لترمقه بازدراء قائلة
-: بقولك يا اخ انت انا فاهمة الاصناف الى زيكم كويس  روح لصاحبك وشوفيلكم داهية بعيد عنى ..

اقترب جاسر منه ووضع زراعه على كتفه وهو يقول
-: بقولك يا حبيبى مش يلا ولا ايه ؟

رمقتهم بضيق وهى تنظر لهيئتهم المستفزه لتقول
-: روح يا رامبو منك ليه الهى اشوفكم والعين قادر يا كريم ..

نفض مؤمن يد جاسر بعيدا عنه ليقول
-: ابعد كده الله يخربيتك .. استنى بس ده ولله متجوز ، ده مراته تلاقيها اعده جوه تعالى اعرفك عليها

-: بقولك ايه ولا تعرفنى ولا اعرفك امشي يلا انت وهو من هنا ..

دفعته بعيدا عنها قبل ان ترفع فستانها وتجرى بعيدا عنهم ،رجع مؤمن الى جاسر الذى يقف ويضع يده فى جيب بنطاله ويضحك قائلا
-: ههههه البت دى مجنونة انا اول مرة اشوف واحدة كده بعد بسمة ..

زمجر الاخر بغضب وقال
-: البت مفكرانا شواذ .. الله يخربيتك

وضع حاسر يده على فمه وهو يضحك قائلا
-: لا بقولك ايه انا جاسر اه بس راجل اوى

-: يا عم روح اى داهية من وشى ابقى قابلنى لو فى مزه رضيت تعبرك النهاردة ولا اقولك انا هروح ادور على مراتك واخليها تلمك شويه منك لله قطاع ارزاق ..