مجنونة اقتحمت حياتى (مكتملة )

الفصل الرابع

اللهم صل وسلم وبارك على سيدنا محمد وعلى اله وصحبه وسلم

الفصل الرابع
رونى محمد

-: بقولك ايه انت وهى انتم هتتكتروا عليه ولا ايه .. انا مش جاية اشحت من حد جدى بعتلى عاوز يشوفنى وانا جيت ازوره ..

نجلا : ياااى دى طلعت بيئة ..

-: بيئة انا بيئة طب و

قاطعها سراج قائلا
-: شششش بس خلاص اسكتى انتى قولولى يا نجلا مين دى وجيه هنا ليه ؟

عقدت نجلا زراعيها امام صدرها وقالت
-:الهانم تبقى بسمة بنت عمك شريف ..

تدلى فكه من الصدمة وهو يرى ان تلك المتشردة تكون ابنة عمه ليدخل حمزة فى ذلك الوقت فاتحا زراعيه ومرحبا بها قائلا
-: يا أهلا بالحبايب ..

ابتسمت هى من طريقته المسرحية لتمد يدها بالسلام قائلة
-: أهلا بيك بس مين الأمور ..

حمزة : أمور .. بس ماشي انا حمزة وتقدرى تقولى عليه ميزو براحتك انا يا ستى فاكهة العيلة دى مستحيل تلاقى حد هنا فرفوش وبيضحك زيى ..

سحبه سراج من قميصه ليرجعه للخلف وقال
-: طب يا عم الفرفوش اتزفت على عينك اترزع هنا مش نقصاك عالصبح ...

تابع حديثهم دخول الجد الجالس على الكرسي المتحرك ومن خلفه تدفعه نعمة .. اشار سراج لنعمة بالانصراف وتولى امر دخوله الغرفة حتى اقترب من بسمة مد يده لها ليصافحها بينما هى اصابتها نوعا من القشعريرة حينما جزبها داخل احضانه ..

عتمان : الكل يطلع برا سبونا لوحدنا ..

نجلا بصوت واطى
-: من اولها كده!!

خرج الجميع ليشير الجد لبسمة بالجلوس بينما هو مازال ممسكا بيديها ...

خارج الغرفة
لم تنصرف نجلا بينما كانت تقف خلف الباب كعادتها وهى تلصق اذنها تحاول ان تسترق السمع
جاءت هانيا قائلة
-: انتى واقفة عندك بتعملى ايه ؟

-: بحاول اسمع اى حاجه من الى بيقولوها جوه ..

-: ليه هو مين جوه ؟

-: جدك والبتاعة دى الى اسمها بسمة ..

-: واو لقيوها طب وسعى كده عاوزة اشوفها واتعرف عليها ..

-: انتى اتجننتى اسكتى دلوقتى جدك قال سبونا لوحدنا ..انا خايفة ليكون ناوى يبعلها حاجة ولا يكتب شركة من الشركات باسمها ..

ابتعدت هانيا عنها وهى تهز راسها بياس قائلة
-: غريبة انتى يا نجلا كل تفكيرك بقى فالفلوس والخوف ان جدك بكتب لها حاجة ..

بينما كان سراج فى غرفة الالعاب الرياضية يحاول ان ينفس عن غضبه الذى لا يعلم مصدره ليأتى اليه اتصالا هاتفيا فيتوقف قليلا ويلتقط هاتفه ويجيب
-: نعم ، هو مش انا كنت لسه معاك !!... ده حصل امتى ده ... طيب طيب ربع ساعة هغير هدومى وهكون عندك ..