مجنونة اقتحمت حياتى (مكتملة )

الفصل الخامس عشر

الفصل الخامس عشر

" لا اله الا انت سبحانك انى كنت من الظالمين "

قرر جاسر اقتحام عزلتها التى فرضتها على نفسها حتى يحاول استمالة قلبها وخصوصا حينما اخبره المحامى عن طلبها لرفع قضية الخلع ...

-: انت ايه الى جابك هنا !!

اقترب منها عده خطوات وقال
-: انا عاوز اتكلم معاكى ..

اشاحت وجها بعيدا عنه بعدما عقدت زراعيها وقالت
-: مبقاش في كلام بنا .. اتفضل امشي وياريت ننفصل بالمعروف ..ومن غير محاكم ..

حاول استعطافها قائلا
-: نن نجلا انا ولله ندمان ..

اردفت بصوت هادر ثأرا لكرامتها
-: ندمان !! انا الوحيدة الى طلعت خسرانة من كل ده ... انا الى دفعت عمرى كله معاك وفالاخر جى تقولى ندمان !!

اقترب منها وقال بندم
-: نجلا اسمعينى انا ..

-: أسمع ايه ! انا كنت عارفة انك بتعرف دى وتمشي مع دى وقلت يا بت بكرة يعقل ويبطل الفوضي الى عايش فيها وأهو عالاقل بيرجع اخر اليوم ليكى انتى ..

-: اا انا مكنتش اقصد .. بب بس انتى السبب ايوه انتى السبب انتى مكنتيش عايشة غير لنفسك وبس مبتفكريش غير فى نفسك وبس وخصوصا مع توجيهات فريدة هانم مش كده !!

اقتربت منه عده خطوات وهى تحدثه بثقه 
: هههه انا السبب !! طب مسألتش نفسك ليه ليه انا عملت كده ليه كنت بعيدة عنك ، حاولت تسألنى مالك ايه وجعك .

قاطعها قائلا : مالك ايه وجعك قوليلى !!

صرخت به قائلة
-: متقاطعنيش سبنى اكمل كلامى ....  حاولت فى مرة تفهمنى وتقرب منى ، جيت تقولى كده غلط وكده صح ... لأ انت معملتش كده .. احنا اتجوزنا بسبب قانون ظالم جدك فرضه علينا وهو اول واحد خالف القانون ده لما راح اتجوز فالسر جدة بسمة .. واحنا   طاوعناه عالغلط .. لما جابها وفرضها علينا .. وكنا مفروض اننا نقبل ونكمل ..

-: نن نجلا بس انا بحبك حتى لو مكنش قانون جدك ده انا بردو كنت هتجوزك !!

-: اه جوازه بدون مقابل
قالتها بسخريه

-: ازاى يعنى مش فاهم

-؛ يعنى انت متعبتش فى حاجة يا جاسر انا اتقدمتلك على طبق من فضة.. وانت يا حرام جيت على نفسك واتجوزتنى ، وخصوصا ان انا طلعت مبخلفش وده بررلك الخيانة ..

-: بصي يا نجلا شوفى انتى عاوزة ايه وانا هعمله بس بلاش ... نبعد

-: طلقنى
قالتها سريعا حتى لا تفكر فى استرجاعها 

-: مش هقدر
قالها بنبره حزينه قاتله فى محاولة لاستعطافها

-: يبقى بنا المحاكم يا ابن عمى

امسك زراعيها قائلا بندم
-: بصي يا نجلا انا هتغير ولله اه هتغير والجنين ده انا مش عاوزه .. انا اصلا قلت لجدى ان لو مش هخلف منك مش عاوز عيال خلاص ..