مجنونة اقتحمت حياتى (مكتملة )

الفصل الثالث عشر

الفصل الثالث عشر

اللهم وفقنى لما تحبه وترضاه ..

الخذلان هو ان يكسرك الشخص الذى قضيت وقتا طويلا فى ترميمه ، لذلك لا تفرط فى العطاء حتى لا تجعل  قلبك يدفع  ثمنا لأخطائك ..
  الحياة لم تكن عادلة بالقدر الكافى حتى تمنحنا عطر ورودها الاخاذ ، فهى تجذبنا نحوها بقوة وفجأة تصفعنا لتهوى قلوبنا ارضا ...

-: أهدى يا نجلا وبطلى عياط عاوزة افهم منك ايه الى حصل وليه مش عاوزة جاسر يدخل يتكلم معاكى ..

كان هذا صوت هانيا التى تجلس جوار نجلا اختها تحاول ان تهدئ من انهيارها ..
لم تتحمل نجلا ما سمعته من الحوار الذى دار بالمكتب بين جاسر وجدها لتندفع الى غرفة هانيا تختبئ بها بعيدا عن جاسر ، بعدما طلبت من الجميع الابتعاد عنها ...

اعادت هانيا سؤالها وقالت
-: ايه الى حصل يا نجلا مخليكى منهارة كده والزفت جاسر عملك ايه ؟

كانت دموعها لا تتوقف تشعر بالانهيار التام اقتربت من اختها واحتضنتها  فخرج صوتها الحزين بصعوبة لتقول
-: جج جاسر خانى يا هانيا طلع متجوز عليه عرفى ...

صكت هانيا اسنانها بغيظ  وهى تمسد على شعر اختها بحنان وقالت
-: حيوااان ... بس يعنى انتى متأكدة مش يمكن بيتهيألك ..

قالت من بين دموعها
-: لأ انا سمعت جدى بيتكلم معاه ....... وبيزعقله وكمان سمعته ......بيعترف بكل حاجة لجدى .. شوفتى الخاين !!

اردفت الأخرى بغيظ
-:  انا كان عندى حق يا بنتى العيلة دى مفيش فيها حد عدل .. تعالى نسبلهم البيت ونروح نأجر شقة ولا نقعد فى  اى اوتيل ..

لمعت عينيها بفكرة وقالت
-: انا لازم أتطلق الاول ... انا مستحيل اكمل بعد الى عمله وخيانته ليه ..

ايدتها هانيا وقالت
: طبعا لازم تطلقى بس الاول لازم تكشفى السر الى انتى كنتى ديما مخبياه .. ده ميستهلش يا بنتى انك تضحى بنفسك وبحياتك عشانه ..

اغمضت الاخرى عينيها بحزن  وهى تتذكر شريط ذكرايتهم سويا واخيرا اردفت 
-: مش دلوقتى يا هانيا انا لازم انتقم منه الأول .. انا مش هسامح فى عمرى الى ضاع بسببه ..

تعجبت الاخرى من نبرة اختها الانتقامية وخصوصا انها كانت تحب جاسر حد الثمالة ، فيقال احيانا ان الانتقام ياتى على قد الخيانة ، فهل ستستطيع نجلا ان تثأر لكرامتها ام انه مجرد حديث ، لتسألها هانيا
: ناويه على ايه طيب !!

ازاحت نجلا دموعها وكانها تحاول ان تظهر بمظهر القوة على الرغم من طبيعتها الداخلية الهاشة فقالت
-: متستعجليش كل حاجة هتيجى فى وقتها ... بس جاسر لازم يدفع تمن الى عمله .. انا طول الوقت كنت عايشة وعارفة بعلاقاته بس كنت فكراها سطحية .. عع عمرى ما تخليت انه يكون كده ..