مجنونة اقتحمت حياتى (مكتملة )

الفصل السابع

الفصل السابع

سبحانك اللهم وبحمدك سبحان الله العظيم

-: استنى هنا انت رايح فين وسايبنى كده ..

وقف سراج والتفت لها قائلا
-: نعم !! عاوزة ايه ؟

-: أنا عندى شروط ! يا أما مش هوافق عالجوازة دى  ..

أقترب منها عدة خطوات وقال
-: نعم !! هو انتى تطولى أصلا ..

عقدت ذراعيها امام صدرها لتقول
-: اه اطول ونص كمان وعموما لو مش عاجبك خلاص روح اتجوز جيركن هانم ..

-: ابتدينا .. اتفضلى قولى شروطك ..

-: بيت ابويا ميتهدش ..

-: امم ماشي هشوف الموضوع ده ..

-:لا انت مش هتشوف هو فعلا مش هيتهد ، اه كنت هنسى  ودعوات الفرح

-: مالها دى كمان

-: عاوزة نصهم هعزم أهل الحارة ..

-: نعم ياختى نصهم !!

-: اه امال انت عاوزهم يقولوا عليه ايه هتجوز سوكيتى .. كنت شايفنى ارملة ولا جيالك بعيل

مسح وجهه بضيق وقال
-: عيل !!! ربنا يسهل .. فى حاجة تانية ؟

-: اه شهر العسل كمان

-: ماله ها اشجينى عاوزة تقضيه فى اى خرابة ..

-: هيبقى أسود مهبب على دماغك لو فكرت تقرب منى ، اه الجواز ده من بعيد لبعيد دونت تاتش..

-: تاتش .. انا اصلا هعتبرك زى احمد أخويا يمكن أرجل منه كمان ..

-: أرجل منه !! طيب بالسلامة انت يا فرج قصدى يا سراج يا خويا روح شوف حالك ..

طالعها بغيظ قبل ان ينصرف من أمامها وهو يحدث نفسه قائلا
-: ربنا يسامحك يا جدى على البلوة الى بليتنى بيها ...

بينما بسمة كانت تبتسم وتقول
-: بقى انا هتجوز المز ده وربنا ده انا هغيظ بيه الحارة كلها ..

قاطعتها دلال قائلة
-: واقفة عندك كده ليه يا بسمة !!

-: هه .. خضتينى يا دلدول

-: دلدول مين ؟ انا اسمى دلال ..

-: بدلعك ياقمر انتى ما هو دلع دلال دلدول

-: لأ ياريت متدلعنيش اسكتى احسن ويلا ورايا عشان فى حاجات كتير لازم نعملها

-: حاجات الى هى ايه؟

-: الفستان الى لازم نختاره ونظبط مقاسه وشويه لبس لزوم شهر العسل والذى منه ..

تبعتها بغمزة لتفهم بسمة مقصدها لتقول
-: لا هو انا مقولتلكيش

-: مقولتيش ايه ؟

-: ما حنا طلعنا اخوات اه راضعين على بعض هو بيعتبرنى فى مقام كده أحمد اخوه وانا بردك هعتبره فى مقام البت سمر صاحبتى ..