ရူးရူးမူးမူး ရင်ထဲကဦး
အပိုင်း(1)
တရားရုံးထဲကထွက်လာကြတဲ့ စုံတွဲတစ်တွဲ
တစ်ယောက်ကိုတစ်ယောက် ကျောခိုင်းထားကြသည်ကို ကြည့်ခြင်းအားဖြင့် ဒါဟာလက်ထပ်လက်မှတ်ရေးထိုးခဲ့သော ချစ်ဇနီးမောင်နှံလုံးဝမဟုတ်တာသေချာသည်။
"ကျေးဇူးပဲ"
အနောက်တိုင်းဝတ်စုံပြည့်ကိုစမတ်ကျကျဝတ်ထားတဲ့ထိုလူက သူမကိုလှည့်မကြည့်ပဲဆိုလိုက်သည်။
"ဘာကိုလဲ"
လက်မှာချိတ်ထားသောမိကျောင်းသားရေဖြင့်ပြုလုပ်ထားတဲ့လက်ကိုင်အိတ်ထဲမှနေကာမျက်မှန်တစ်လက်ထုတ်ရင်း သူမပြန်မေးလိုက်၏။
"ကွာရှင်းခွင့်အတွက်"
သူ့ရဲ့အဖြေအပေါ်စိတ်ဝင်စားပုံမပေါ်တဲ့ထိုအမျိုးသမီးသည် နေကာမျက်မှန်အားဝတ်ဆင်လိုက်၍
"ကျွန်မအလုပ်ရှိသေးလို့ သွားနှင့်မယ်"
၃လက်မဒေါက်ဖိနပ်စီးထားသောသူမခြေလှမ်းတွေက ပုံမှန်ထက်သွက်နေတာတော့အမှန်ပဲ။
သူလည်း ဇနီးဟောင်းဟုဆိုရမည့် မကြာခင်ကထွက်သွားသောအမျိုးသမီးဝင်သွားသည့် အဖြူရောင်ကားမျက်စိရှေ့ကပျောက်ကွယ်သွားကာမှ နောက်မှာရပ်နေသောအတွင်းရေးမှူးအား
"သွားကြမလား "
"ဟုတ်ကဲ့ Boss"
သူကားနောက်ခန်းမှာဝင်လိုက်ထိုင်သည်။
"တေဇ ဒီတစ်ပတ်လုံးအချိန်ဇယားကိုသေချာညှိထား"
"ဟုတ်ကဲ့ အင်တာဗျူးမှန်သမျှအကုန်ပယ်ထားပါတယ်"
"အင်း ရူပါက Celebrityတစ်ယောက်ဆိုတော့ ဒီသတင်းက ခဏနဲ့ငြိမ်သွားမှာမဟုတ်ဘူး မနက်ဖြန်ဆို သတင်းခေါင်းစဉ်မှာပါလာတော့မယ်"
*-*-*-*-*-*-*-*-*-*-*-*-*-*-*-*-*-*-*-
''YN Entertainmentရဲ့CEO လင်းမြတ်ယူနစ်နှင့် သတင်းကြေညာသူ ခင်ရူပါနိုင်တို့ ကွာရှင်းပြတ်ဆဲ´´
သတင်းစာကို စားပွဲပေါ်သို့ စိတ်ပျက်စွာလွှင့်ပစ်လိုက်၍
"ညည်း နည်းနည်းလေးတောင်ဆွဲမထားနိုင်ဘူးလား ရူပါ "
ရုံးခန်းထဲက ဆိုဖာမှာထိုင်နေသော ခပ်ဝဝအမျိုးသမီးကြီးတစ်ဦးက ဆိုလိုက်လျှင်
အရှေ့နဲ့အနောက်ခေါက်တုန့်ခေါက်ပြန်လမ်းလျောက်နေသော ရူပါက
YOU ARE READING
ရူးရူးမူးမူး ရင်ထဲကဦး (Completed) OC
RomanceAge is just number အသက်ဆိုတာ နံပါတ်တစ်ခုပါ ဦးရာ... ပြောတော့ ခင်ဗျားပြောသမျှက မိုင်းအတွက်ဆို ဒါတွေကို မိုင်းတောင် ဂရုမစိုက်တာ ခေါက်ထားလိုက်စမ်းပါ ဒါမှမဟုတ် ခင်ဗျားရဲ့အချစ်ဦး...မဟုတ်သေးဘူး မိုင်းရဲ့အမေကိုမမေ့နိုင်သေးတာလား... နောက်ဆုံးပြောမယ်ဦးယူနစ် မိ...
