ဝမ်ရိပေါ်တယောက် အခုတလော စိတ်မကြည်ဘူးဖြစ်နေတယ်။
ရာသီဥတု ပူပူအောက်မှာ ဆိုင်ကယ်ဝတ်စုံကို ဂီယာအပြည့်ဝတ်ဆင်ထားရင်း နေ့တိုင်း ထရိန်နင် ဆင်းနေရတယ်။ လေ့ကျင့်ရေးကွင်းထဲ တပတ်ပြီးတပတ် ဆက်တိုက် မောင်းပြီးတဲ့နောက် နားချိန်ရတဲ့ခဏလေးမှာ ဦးထုပ်ကို ခပ်ငိုက်ငိုက် ဆောင်းထားရင်း ရေဘူးထဲက ရေပိုက်ကို ခပ်တည်တည် ကိုက်ထားတယ်။ အေးစက်တဲ့အငွေ့အသက်တွေနဲ့မို့ သူ့အနားကနေ ဖြတ်လျှောက်သွားသမျှ Staff နဲ့ Rcaer တွေဟာ ခပ်ခွာခွာက သွားကြတယ်။
သိပ်မရင်းနှီးတဲ့သူတွေကတော့ ဝမ်ရိပေါ် ဘာကြောင့် ဒီလိုဖြစ်နေတာလဲဆိုတာ သိကြမှာမဟုတ်ဘူး။ ဒါပေမဲ့ ဝမ်ရိပေါ် ဒီအသင်းကို ရောက်ပြီးကတည်းက သူ သတိထား စောင့်ကြည့်ခဲ့တယ်။ ဝမ်ရိပေါ်နဲ့ သိတာ ၂ နှစ်ရှိပြီဖြစ်တဲ့ မင်ကျင်းအနေနဲ့ ဝမ်ရိပေါ်တယောက် ထရိန်နင်ကာလ၊ အသင်းမှာ ရက်ကြာကြာနေဖြစ်လေ သူ့စိတ်က မကြည်လေဆိုတာ သူသတိထားမိခဲ့တယ်။ အထူးသဖြင့် သူ တွေ့ချင်တဲ့လူက အလုပ်တွေရှုပ်ပြီး သူ့ကို ဆက်သွယ်မှုနည်းလေ၊ ဒီကောင်လေးရဲ့ စိတ်အခြေအနေက ဘေးလူတွေအတွက်ပါ သိသိသာသာ အနေရခက်လေပါပဲ။
စိတ်မကြည်တာကနေ ဒေါသကို ပြောင်းသွားတယ်။ စိတ်တိုတာက စိတ်တိုတာပဲဆိုတော့ ထရိန်နင်ကို သူများထက် ပိုလုပ်တယ်။ ပြီးရင် အကုန်လုံးကို ကျောခိုင်းပြီး သူ့အဆောင်ခန်းကို ပြန်တယ်။ ပြီးတာနဲ့ ရေချိုးပြီး အိပ်တော့တာပဲ။ ထရိန်နင်ဝင်းထဲကို ဆိုင်ကယ်ဦးထုပ်တောင် ပြန်လာမပေးတော့ဘူး။
တကယ်တော့ ဒီလို ကိစ္စတွေကို ရှင်းအောင်လုပ်နိုင်တာ တနည်းပဲရှိတယ်။ တကယ့်ကိုမှ ရိုးရှင်းတဲ့နည်းလမ်းလေးပဲ။
သူ့ကိုကိုဆိုတဲ့လူကို ဆိုင်ကယ်အသင်းရှိရာ လာခိုင်းပြီး သူနဲ့ တွေ့ပေးဖို့ ပြောရတာပါပဲ။
သူတို့အကုန်လုံး ဝမ်ရိပေါ်ရဲ့အစ်ကိုကို မြင်ဖူးတယ်။ ငယ်ရွယ်ပြီး ချောမောတယ်။ အရပ်ရှည်ရှည်၊ ခြေတံရှည်ရှည်နဲ့ကိုမှ စိတ်သဘောထား ကောင်းမွန်တယ်။ မနှစ်တုန်းက ဝမ်ရိပေါ်ကို လာတွေ့ဖူးတယ်။
YOU ARE READING
You are my _____. ||Completed||
Fanfictionအဖေလို အစ်ကိုလို ဒါပေမဲ့ ကျနော်က... ချစ်သူလို...။ ________________ အေဖလို အစ္ကိုလို ဒါေပမဲ့ က်ေနာ္က... ခ်စ္သူလို...။ _________________ Myanmar Translation.
