ဝမ်ရိပေါ်မှာ ထုပ်စရာ သိပ်မများဘူး။ ရှောင်းကျန့်က အိပ်ခန်းတံခါးကို မှီရပ်ရင်း ပျားရည်ဖျော်ထည့်ထားတဲ့ဖန်ခွက်နွေးနွေးကို ကိုင်ထားတယ်။ ဖြည်းဖြည်းချင်း သောက်နေရင်း ဝမ်ရိပေါ် အင်္ကျီတွေခေါက်တာကို ကြည့်နေတယ်။ ဝမ်ရိပေါ်က လက်ဆွဲအိတ်ထဲ အဝတ်တွေ ထည့်ပြီးတာနဲ့ အိပ်ရာဘေးစားပွဲပေါ်တင်ထားတဲ့ ဓါတ်ပုံမှန်ဘောင်လေးကို ယူလို့ သေသေချာချာ မကျိုးမပဲ့အောင် အပေါ်ကထည့်တယ်။ အဲ့ဒီ့အဖွဲ့ဓါတ်ပုံကို မနှစ်က ရိုက်ထားခဲ့တာဖြစ်တယ်။ အဲ့အချိန်တုန်းက ဝမ်ရိပေါ်မျက်နှာမှာ ပါးဖောင်းဖောင်းကြီးတွေ ရှိနေသေးတယ်။ တခုခု စားလိုက်တိုင်း ဖောင်းထွက်လာတတ်တဲ့ပါးကြီးတွေကို ရှောင်းကျန့်က ခဏခဏ ပွတ်သပ်ပေးလေ့ရှိတယ်။
တကယ်ဆို အဲ့နောက်ပိုင်းမှာ ရိုက်ထားတဲ့ပုံတွေလည်း ရှိသေးတယ်။ ဒါပေမဲ့ ဒီတပုံတည်းကိုပဲ သူ့အိပ်ရာဘေးမှာ သေချာထားတာဖြစ်ပြီး ဓါတ်ပုံမှန်ဘောင်ပေါ်မှာ ဖုန်မှုန့်တစက်မှ ရှိမနေဘူး။
"ထရိန်နင်က တပတ်အရင်ဆင်းရမှာလား?"
ဝမ်ရိပေါ်က သူ့ကို မော့ကြည့်လာပြီး ပြန်ဖြေတယ်။
"ဟုတ်တယ် ဒီနှစ်ပြိုင်ပွဲကိုတော့ မမှီတော့ဘူး နောက်နှစ်ထိ စောင့်ရမယ်"
"ကောင်းပါတယ်"
ရှောင်းကျန့်က သူ့လက်ဖဝါးကို ဖန်ခွက်အောက်ခြေမှာ ထားလိုက်တယ်။ အဲ့ဒီ့နောက် ညင်သာတဲ့အကြည့်တွေနဲ့ ပြောလာတယ်။
"ဒီလို အားကစားတွေက နည်းနည်းတော့ ပြင်းတယ် လဲတာတွေ ပြုတ်ကျတာတွေ ဖြစ်တတ်တာမို့ သတိထားဦး တခုခု ကိစ္စရှိရင် ငါ့ကို အချိန်မရွေးပြော လိုအပ်တဲ့ပစ္စည်းတွေရှိရင်လည်း ဝယ်ပေးမယ်"
ဝမ်ရိပေါ်က ခါးကို မတ်မတ်ထားရင်း ရှောင်းကျန့်ကို ကြည့်တယ်။
"ကျနော့်ကို လာတွေ့မှာလား?"
ရှောင်းကျန့်က သူ့မျက်ခုံးလေးတွေကို မြှင့်လိုက်တယ်။
"တပတ်တည်းပဲလေ အပြင်ထွက်လို့ရလို့လား?"
ဝမ်ရိပေါ်က ခပ်တိုးတိုးရေရွတ်တယ်။
YOU ARE READING
You are my _____. ||Completed||
Hayran Kurguအဖေလို အစ်ကိုလို ဒါပေမဲ့ ကျနော်က... ချစ်သူလို...။ ________________ အေဖလို အစ္ကိုလို ဒါေပမဲ့ က်ေနာ္က... ခ်စ္သူလို...။ _________________ Myanmar Translation.
