أرواح مُقيدة.

البارت 2

البارت/ 2

الكاتبه/ليان الموسوي

تفاعلوا وعلقوا بين الفقرات .

قراءه ممتعهَ لكُـم عيناي

******

ريماس..ابتسمت من بين دموعي.. لا يعمري مصار شي لا تكوليله وتكبر المشكله وبعدين رهف مقصرت أستلمته اكس مربع

رهف.. لعد شتريديني اسكُت يستاهل ، يضرب اختي ولا فوك كل هاذا كاعد يتأمر علينه

رونق.. على الاقل استحو اخته كدامك وكاعدين تحجون ع الولد عيب باباا

نور.. هههء لا عادي، اكلج ريماس اني وصيتلج على كم قطعه ملابس ومكياج وجنه واحذيه اني ورهف وهاا جبتلج عطورر تموتت اني استعمله

نور..اي عفه بس هذاً الاسبوع وتوصل الطلبيه لان مو من بغداد ، وصيتلج عليهم هسه ادزلج الحساب إذا عجبج شي اشتري لان اسعارهم تجنن مو غاليه

رهف.. اكول رسو ليش متغيرين موبايلج ؟

رونق..اي مو قبل فتره كلتي تردين تغيري

ريماس.. مادري اشوف ومبايلي وين اودي قابل

رهف.. نطينيا اني اخذه لان ماعندي

رونق.. واني ماعندي هم

رهف.. عود اخذي مال ماما اشو ماما متلعب بي بس تخابر وهاهيه وأنتِ أكثر شي تلعبين بي

رونق.. اكول ضوجه وماما تأخرت شو

رهف.. نور خابري عليها

نور.. ماعندي رصيد وهمه ما عندهم نت

رهف.. ريماس انتي خابري وشوفي

ريماس.. لحضه .. اتصلت على ماما ما ردة حجيت وياها كتلها الساعه ب٩ونص صارت وانتوا ماكو كالت شويه وانجي..

رونق..أنا نعست اريد انام والبارحه منايمه تصبحون على خير

البنات.. ونتي من اهل الخير .

..

رهف..اني اروح اسوي شاميه واجي ناكل ضوجه على ما يجون

،، وانتِ رسو كومي غسلي ،، نور بداعتي اليوم باتووو يمنه حبابه

نور.. والله مادري اذا امي قبلت اضل واذا لا عود انتِ تعالي ويانه

رهف.. مادري بعد يلا رايحه اسو شاميه واجي

.. عفتهم وطلعت من الغرفه توجهت للمطبخ دخلت شفت علي كاعد يدخن وناطيني ضهره ويلعب بالفون مالته غلست علي واني ضايجه منه فتحت الكاونتر طلعت الشاميه والزيت وكنت اطلع اصوات بالمطبخ حتى ينتبه أنو أنا بالمطبخ موجوده ،، بس مع هذا ما التفت ولا شاف منو ما هتم كلش ضجت منه
شغلت الطباخ بعصبيه وحطيت الجدر والزيت وتانيته يحمه
حطيت الشاميه والملح وخطتهم بالخاشوكه طفر عليه دهن وعطت لان انجويت
ورجعت لسوره افرك بأيدي اثر الجويه