البارت/ 21
الكاتبه/ليان الموسوي
*****
نور.. حسيت ع صوت ماما تكعد بيه
هناء.. كومي ثوله ساعه ب ٩ كلها كاعده من ال٧ بس انتي تمبل مال نوم
عفيه نوم ماتشبعين ؟
نور.. ماما نعسانه خليني بس شويه
هناء.. كومي لج لا شويه ولا شي شو كومي لا اطيح حضج
نور.. كايمه كايمه يووه حته نوم مثل الاوادم متخلونه انام
هناء.. السانج راح اكصه الج صاير لسانج زفر
نور.. ضلت ترزل بعدين عافت ونزلت رحت غسلت ولبست ملابسي ونزلت كبل رحت للمطبخ سويت لفة جبن وجاي وكعدت اتريك جانو يحضرون للغده مدري شنو كملت غسلت الكوب وشربت ماي وطلعت من المطبخ، شفت نرجس تلعب بالفون محجيت وياها صاحت عليه
نرجس.. بالجذب كولي صباح الخير لو ماكو.. تقربت عليها وحجيت
نور.. شتريدين
نرجس.. يا هاي شبيج كالبه خلقتج
نور.. مالج دخل وخري وعفته ورحت للاستقبال جانت الباب مسدوده جان تكول
نرجس.. اكو خطار جوه
نور.. غلست عليها وطبيت شفت نسوان وياهم بنات ٢ وحده مبينه بكدي والثانيه اكبر بس كلت.. سلام عليكم.. وكعدت بصف ماما مبوستهم ماما تكرص بيه تريدني اكوم ابوسهم بس اني روحي بخشمي دنيت عنها وضليت كاعده وساكته محجيت شي ،شويه و ضلت المراه تسئل ماما عني شسمها وبت منو وشكد عمرها ومن هذا الحجي عبالك جايه تخطبني
والبنات كاعدات يبتسم بوجهي مبينات حبابات حته سولفن وياي ،شويه وكمت لان ضايجه مالي خلك وفوكاها ماعرفهم بس مبين ماما تعرفهم اول مطلعت من الاستقبال شفت نرجس
نرجس.. ولج ثوله مو كتلج خطار اكو
نور.. وانتِ شعليج خطار مخطار شخبصتيني اني اريد افوت انتي شعليج ؟
نرجس.. كبر هوه مو صوجج صوجي انه الثوله
نور.. اي والله.. شويه وطب حمزه جان لابس زي عربي وعاكد حاجبه ضل يباوع عليه واني مامهتمه اله
نرجس.. ها
نور.. وعلا شكو بعد.. حجيت بنتره
حمزه.. هيووو صوتج واصل للديوان يلعلع جنج دلاله عمي يا دلاله الدلاله
اهون منج
نور.. وانتَ شعليك جاي تحاسبنيي بيك خير حاسب اختك ع كولش تدخل .. أسغفر الله يعني انتو اله تخلون الواحد يطلع من طوره لو شنو ؟؟
حمزه.. لو ماكو اوادم لجان عرفتج شلون اخليج تلاسنين بسيطه نور انه اعلمج اذا ما كصيت لسانج الزفر ماطلع ابن الشيخ
أنت تقرأ
أرواح مُقيدة
Mistério / Suspenseفي مكان ما... وفي زمنٍ لم يكن بالحسبان، ثلاث أخوات تبدأ حكايتُهن من نفس الباب، لكن شيئاً ما... غيّر كل شيء. لم تكن الحياة عادلة، رغم تفوقهن، رغم أحلامهن، رغم قلوبٍ اعتادت أن تصدّق، أن تسامح، أن تُحب. في لحظة واحدة، تبعثرت الطرق، وتغيرت الوجوه، سقطت...
