البارت 28
ليان اسعد
لا تنسون مهم
تتفاعلون بالنجمة 🌟 وتعلقون بين الفقرات 💬
حتى استمر بالتنزيل
ادري بيك تحبني ما داعي الكلام
وادري بعيونك صدك تبجيلي .
....
نور..ساعه بـ 2 باليل جنت كاعده بالغرفه وحدي لان رهف نامت خابرني علي كلي كومي فتحيلي الباب ، طلعت فتحتها اله دخل وجان وجها حيل تعبان ، بسرعه حضنته وصرت ابجي وهو هم حضني وطبطب على ضهري بحنيه
علي..شلونج رهف شلونها .. وينهة شو ماكو؟!
حجة باستغراب
..وخرت منه ومسحت عيوني وكلت
نور .. زينين الحمدلله ورهف نايمه ، نامت قبل شويه
..ما حجه شي بس اخذ حسره طويله وتمشينه دخلنه للبيت
رحت للمطبخ اجيبله ماي شويه وهو دخل يمشي بخطوات ثكيله
سحب الكرسي وكعد علي ، طلعتله ماي من الثلاجة وقدمته اله اخذه مني
و جر نفس طويل وزفره ، رخه جسمه على الكرسي وغمض عينه
ورجع راسه ليورا و يفرك بي بتعب .. حجيت بتردد
نور..علي شلون ماتت عمه مها ؟؟ شهكت ورجعت كلت ..
والله صار ساعه اريد استوعب ما اكدر استوعب
مو هيه كلشي ما بيها شلون صار بيها هيج فهمنيي؟!
مو قبلها بيوم خابرتني وكتلي مابيها شي وصحتها جاي تتحسن ..شلون ماتت لعد؟
جر نفس ومسح عيونه بقوه وتنهد شويه ضل يباوع على الارض
قطع الصمت وهو يكول
علي..هيه من الاساس بيها ضغط ، وصحتها تعبانه وقلبها تعبان
الدكتور كال صايره عدها جلطه بالدماغ خسرتها حياتها من الصدمه
نور..حطيت ايدي على حلكي واني اشهك بصوت ناصي كعدت بالكاع ابجي
وعلي صافن على السكف كال بهمس
علي.. الله يرحمها ، ما كدرت استوعب الخبر من كال الدكتور بسرعه اجت ببالي رهف شنو اكللها وهيه صار ايام منتضره امها !!
يحجي وهو مثبت عينه على السكف واني دموعي تنزل من عيوني والغصه خانكة صدري خنك ما اكدر اطلع صوت ، اخذت نفس و مسحت دموعي وكلت بشهكه
نور.. زين زين شلون .. شوكت .. راح تطلعوها من المستشفى
شوكت يسلموكم الجثه مالتها ؟!
علي.. ما يقبلون ينطونياها يردون يشرحوها ويشوفون سبب الجلطه ؟!
بس اخوتها ما قبلو واحنه هم ما قبلنه تتشرح لذلك ضلت هناك ، وصدرنه امر للقاضي بان يمنع تشريحها ويسلمنياها .. بس وكالو ننتضر منا الباجر على ما يوقع على أوراق تسليم الجثه بدون تشريح .. لان مستحيل نقبل نخليهم يشرحوها
أنت تقرأ
أرواح مُقيدة
Misteri / Thrillerفي مكان ما... وفي زمنٍ لم يكن بالحسبان، ثلاث أخوات تبدأ حكايتُهن من نفس الباب، لكن شيئاً ما... غيّر كل شيء. لم تكن الحياة عادلة، رغم تفوقهن، رغم أحلامهن، رغم قلوبٍ اعتادت أن تصدّق، أن تسامح، أن تُحب. في لحظة واحدة، تبعثرت الطرق، وتغيرت الوجوه، سقطت...
