البارت/ 16
الكاتبه/ليان الموسوي
*****
ريماس.. مرة الايام وملتهيه بس بدراستي حاولت أتجنب هذا التفكير الي رادوني دائما احاول ما افكر بمصطفى حتى ما يشتت ذهني عن دراستي وينزل مستواي،،خابرة بنين ضليت احجي وياها شويه وسديت الخط منها نزلت جوه لكيت ماما كاعده تلف كُبه
..ريحة الحشو (الحم مال الكُبه) مالي البيت شتهيت اكل منه لان ريحته طيبه سمعت ماما تكول لرهف..
مها.. اي اليوم سوو سوب مال كبه ع العشه يمه مدام دلف كُبه
رهف..مادري نشوف
ريماس.. اي نسوي لان اشتهيت الكُبه من هسه
رهف.. ماما ضوجه عود خل نروح للاسواق من نكمل
مها.. شعدج يم ابو الاسواق شمضيعه ؟؟
رهف.. اريد اشتري يعني شنو عندي مثلاً !
مها..الله كريم عود العصر نروح
ريماس.. ماما اسوي كبه وياج؟ ..حجيت بابتسامه
مها.. تعالي لفي بس مو تخربيها
ريماس..اي ..كعدت الف بس مو عدله رهف تسويها احسن مني وماما كل شوي مرزلتني بالاخير عاطت بينه لان خربناها ..
مها.. شو كومو لا تخربوها كلها كومو كل وحده شكد شكبرها ع كبه مدبرتوها متكلولي شنو الي دبروها ؟
رهف.. ماما شوفي صارت
مها.. اي عفيه عليج يلا كومي بعد لا تسوين
ريماس.. كملنه لف كبه حطيناها بالمجمده وسوينه بورك او سمبوسه وهم حطيناها بالمجده مر الوقت سوينه غده تمن وبانيه تغدينه وكملنه غسلنه المواعين وساوينه البيت صارت ساعه ب4:30 صاحت رهف
رهف.. يلا ماما نروح للاسواق
مها.. بعد وكت عود ب 5
رهف.. ماااا ماما يلا خل نروح هسه هوه يعزل ب6
مها.. امشي فضيها ريماس تجين
ريماس.. اي اجي
مها..يلا لعد تحضروا
رهف.. رحت للغرفه لبست بنطرون وقميص وحذاء اخذت الفون
ونزلت بسرعه وانا اصيح من الدرج .. كملت كملت يلا ماما خل نروح
مها.. اختج ريماس وين
رهف.. مادري بعدها دتبدل
مها.. لجج ريماس يلا عاد وين صرتي امي
ريماس.. جيت جيت ها يلا كملت
رهف.. يع هاي شلابسه
ريماس.. شلابسه هوه فستان
أنت تقرأ
أرواح مُقيدة
Mystery / Thrillerفي مكان ما... وفي زمنٍ لم يكن بالحسبان، ثلاث أخوات تبدأ حكايتُهن من نفس الباب، لكن شيئاً ما... غيّر كل شيء. لم تكن الحياة عادلة، رغم تفوقهن، رغم أحلامهن، رغم قلوبٍ اعتادت أن تصدّق، أن تسامح، أن تُحب. في لحظة واحدة، تبعثرت الطرق، وتغيرت الوجوه، سقطت...
