أرواح مُقيدة.

بارت 31

ارواح مُقـيدة
بارت 31
الكاتبه لَيـان أسعد الموسويَ

لا تنسون تتفاعلون وتصوتون بالنجمة 🌠
علقوا بين الفقرات شكد ما تكدرون 💬.
..

يكول الشاعر:-

والناس الـرَدتهم!
نَسو من سنين
اسَمك والمَحطه
وخَلو دموعك نَهر
لابد يردون باچر
سَوي نفسك ماشَفتهم
بالك يحسون انتَ اتذكرتهم
اثگل شويةة يگلبي
مره خَليهم محطه
وانتَ سافر انتَ
والدخان وصبرك والمَطر
ادري بيك تريد تبچي
ابچي وحدك انا ساكت
🇮🇶.
..

رهف..
كعدت على صوت المُنبه ، فركت عيوني وضليت صافنه على السكف بشرود
ساعه بـ 8 الصبح لازم بـ 10 اكون جاهزه حتى نروح للمستشفى اشوف رونق متحمسه اشوفها مشتاقتلها بكد الدنيا

..كمت بسرعه غسلت وجهي وغيرت ملابسي ولفيت شعري ونزلت ماكو احد نور بالدوام وعلي بغرفتة رحت للمطبخ الجاي على النار
والباب مفتوح مديت راسي شفت عمه هناء جاي تزكي الزرع
شويه واجت بيدها بيضات ثنين مكيفة

رهف:-صباح الخبر عمه
هناء:-صباح النور والعافيه ، شوفي اليوم الدجاجات مبيضات فدوة راح اسويهم الج تتريكين بيهم
..تحجي وتضحك مكيفه ابتسمت الها وهيه صارت تسوي ريوك
وتسولف وياي كملت وكالت
هناء:-يمه روحي صيحي علي هسه نايم بعد امه روحي وعي خلي ينزل يتريك
مابيه اصعد الدرج

رهف:-هزيت راسي وكمت صعدت على كيف وانا اطك باصابيعي واتذكر الصار البارحه من كتله احبك والي صار عزا بعيني يمةة شلون اطب الغرفته بعد شو استحي خرب

وصلت الغرفته وضليت واكفه اتذكر الي صار
من بعدما كتله احبك

باوعلي وهو مبتسم مجنت متوقعه ردت فعله هيج خصوص من كال
علي:-حسبالج ما جنت ادري بيج؟!
.. ضليت ساكته واحس وجهي صار احمرر توترة بشكل
تمنيت اختفي من يمه حرفياً
رهف:-شـ.. شـ..ـلو ... شلون يعني ؟
علي:-كاشفج وادري بيج من زمان بس مغلس عليج بمزاجي
جنت اكول بعدج طفله مراهقه ، تكبرين وتنسين
رهف:-لاا يعني لا اني مو جنت احبك اقصد .. شسمه
..احجي ومتوتره وبالكوه ارتب الكلمات واحجيها لان حاسه بفشلنه
واكرص بايدي ، وتالي كعد يضحك عليه من گلبه

علي:- هههههههههه ليش ياب بطلتي تحبيني
لا تغيرين الموضوع ادري بيج جنتي مو بس تحبيني حتى تراقبين حساباتي
لو من جنتي تصفنين بعيوني اخ بويه ههههههه كاشفج غاليتي عيونج فاضحتج من زمان
رهف:-علي والله يعني صح جنت احبك بس شلون محد يعرف وما جنت ابين
علي:-اشش هوَ غير عيونج فاضحتج ، لو صفنتج
رهف:-حطيت ايدي على وجهي واني مبتسمه وخجلانه
سحبها من وجهي وصار يباوع بعيوني

علي:-عيونج مُميزه
رهف:-يعني شلون؟
علي:-مثل عيون الريم حلوات ، من جنتي تصفنين اصفن وياج
رهف:- لا بالعكس محلوه عيون ريماس ورونق عيونهم احلى ملونات
وشكرات ، انا عيوني عاديه وشعري اسود مو مثلهم