البارت/ الخامس
الكاتبه/ليان الموسوي
✨ كل عام وانتم بخير بمناسبه عيد الاضحى المبارك ✨
*****
ريماس.. بعد مطلعو بيت عمه هناء كمت رحت للغرفه شفت رونق نايمه ومغطيه راسها وحسيت بيها تبجي لان مبين عليها عفتها و رحت لغرفة ماما لكيتها تسبح كعدة يمها خليت راسي بحضنها وكلت"ماما ليمته نضل هيج"
مها.. على شنو
ريماس.. يعني رونق احس بيهه شي، اشو نعزلت اكثر وعلى اقل شي تضوج وتعصب بسرعه وهيه من قبل هيج بس هسه نتكست حالتها أكثر ، جنت بليل احس عليها تبجي وحدها ومن اسئلها تكول اشتاقيت البابا ، وحته نوبات اشوفه باليل تلعب بالمبايل واحسها خايفه ابد مديعجبني وضعها اخاف من وره سيرة الزواج هيج صار بيها
مها.. لا مو لهل درجه ممعقول من وره هاي السالفه واذا من وره الزواج هاهيه ما اجبرها و باجر اكعد واشوف شبيها احجي وياها بهدوء وافتهم السالفه لان اني هم مديعجبني وضعها وصايره ما تتحاجه متنحسه
ريماس.. خلي تحجي وياها رهف بلكي تكدر تحجيلها وتعرف
شبيها هيه مو توأمها
مها.. الله كريم حبيبتي عود باجر اكللها والله كريم
ريماس.. كمشت ايد ماما وبستها"ماما اليوم اريد انام بحضنج ممكن"
مها.. هههء تعالي اني كم ريماس عدي
ريماس.. صدك ضلت تلعب بشعري وتسولف وياي لحد مغفيت بحضنها
كعدة من النوم سبحت و بدلت
وشلت جنطه وطلعت للكليه نزلت من السياره ودخلت للكليه رحت للحديقه بلكت الكي بنين صار فتره مجاي تداوم حته من ارسلها مترد بس تشوف الرساله ومن اتصل بيها مترد بس تكتبلي لتتصلين بعد ومن أسئل يطلعلي مرئي بس واليوم هم ممداومه وصار فتره محتجين وياي و مو من عوايدها
مر الدوام عادي مثل كل مره وماكو شي جديد رجعت للبيت
لحد الساعه ب 8 بليل فتحت الفون دزيت رساله لبنين طلعلي مرئي شافت الرساله دزيت بصمه
"الو بنين شبيج ليش متردين وليش مجاي تداومين حيصيرلج اسبوعين وانت ماكو ضل بالي عليج والله ع الأقل كولي انت زينه صاير وياج شي مو تخليني هيج عايشه بقلق ع مودج "
سمعت البصمه وره نصف ساعه ردت كالت
" بأجر إذا داومت عود احجيلج باي"
عفتها ع راحتها بعد محاجيتها
..
بنين .. من اخر شي صار وياي مداومت والتليفون انسحب مني أخذه مصطفى ، اهواي حجيت وتوسلوت وحاولت اقنع ماما ومصطفى ارجع اداوم بس ماكو اجابه كالو لحد ميرجع بابا من السفر والله كريم
أنت تقرأ
أرواح مُقيدة.
Misterio / Suspenso#باللهجه_العراقيه ثلاث أخوات لكل منهم حكايه تُكتب في كتاب واحد اقدار مختلف تجبرهم الحياة على العيش بها رغم مصاعبها و آلامها.. هُم طالبات متفوقات في دراستهم ، لكل واحدا منهم حلمً تسعى لتحقيقَ لكن يشاء القدر أن يغير مسار حياتهم ، يحطم البعض ويبني البع...
