أرواح مُقيدة.

البارت 37

ارواح مُقـيدة
البارت 37
ليان اسعد

..
مهم↓
خلينا نكون متفقين من هسة اكو تفاعل اكو بارت ، ماكو تفاعل ماكو بارت
شنو هاي محد بيكم يعلق بين الفقرات ولا احد يصوت بس كم بنت ؟؟؟
والباقين بس يقرأون ، ليش شنو راح تخسورن لو علقتوا وصوتوا على البارت؟؟

اريد بنت تعرف تصمم ريلزات للقصة
اذا اكو وحدة تعرف خلي تصمم وتنشر عن القصص
حتى يجون بنات جدد احبكم "اتحملوني من اعصب" 💋

______ 

عَلقْتُ الهَوَى مْنهَا وَلِيدًا فَلَمْ  يَزَلْ  إلَى اليومِ يَنْمِي حُبُّهَا وَيَزِيدُ
ألا لَيْتَ شِعْرِي هَلْ أَبِيتَنَّ لَيْلَةً   بِوَادِي القُرَى إنَّي إِذَنْ ، لَسَعِيدُ.

ريماس ..
اتجاهلت الموضوع ما اهتميت وصعدت للغرفة سديت الباب وكعدت
وحدي حسيت بتعب وخمول صاير بجسمي ..

مرة الايام واني عازلة نفسي بالغرفه ما اختلط باحد منهم حتى سيف الله
من اخر شي صار بيناتنا ما عاد حاول يتقربلي وكل ما يرير يحاجيني اتعارك ويا و يطلع ويتركني وحدي ، صرت ما اكدر انام بدون ما اخذ من الحبوب المنومة

اخذها وانام وبالاخر افز مرعوبة من الكابوس

كل تفكيري باخواتي وامي ، فكرة بانو اهرب منهم شي مستحيل
وبالخصوص اني ما اعرف لا البيت والا المنطقة حتى اندل لوين اروح

اكضي يومي كلة نوم كل ما اتعب انام
لحد اخر شي وهو اليوم ، فتحت الجرار وسحبت العلبة ما كان بيها غير حباية وحدة ، باوعتلها شلون راح اجيب منة بعد واني صايرة ما اكدر انام اذا ما اشرب منة ؟

اخذتها بسرعة وشربت المي دفعة وحدة  ، رفعت راسي ليفوك اتنفس بضيق
لحد ما حاوطني النعاس شمرت نفسي على السرير ونمت بعشوائية ..
راودني حلم مرعب مثل العادة ..

والي هو كل مرة يتكرر عندي ، اشوف ماما تبتعد عني ، احاول اروحلها بس سيف الله ماسكني من ايدي ومانعني من الحركة ، مثبتني بمكاني ، وماما تبجي وتبتعد
واسمع صوت يصيح ، اخواتج بحاجتج رجعيلهم ، رغم الصراخ مالتي والعياط احاول افلت ايدي من سيف الله بس ما اكدر التفتت للجهة اليسرى اشوف رجال واكف ويباوعلي وجها مألوف عندي ، اضل استنجد بي عسى ولعل يساعدني ويخلصني منة ، بس ما يتحرك بس يباوعلي

بالاخر اشوف ماما تختفي والرجال يتقدم الي بخطوات سريعه وعلامات الغضب تصير على وجها فجأة يصير كدامي يضربني كف على وجهي بحيث شفتي تذب دم
وسيف الله يتركني ويرميني على الارض ، ارفع راسي اريد احجي اشوف كلب اسود يهجم علية ..