أرواح مُقيدة.

البارت 18

البارت/ 18

الكاتبه/ليان الموسوي

*****

" مآ أحزن ﷲ عبداً إلآ لـ يسعده..
ومآ ابتلى ﷲ عبداً إلآ لأنه يحبه ♡ "

..

رونق.. 

..بعد ما خلصت كل دموعي حاولت اكوم من الجربايه لان صار هواي نايمه عليه

كمت واني كل ذره بجسمي ترجف وكفت يم الباب دكيت وصحت لحد ما صوتي راح..

باوعت ع الساعه 5:30 العصر كل هل الوقت واني وحدي بالغرفه ومحد اجه عليه..

اصيح ع عمو محمد وعمه بتول محد يرد ضليت ادك ع الباب لحد ممليت 
كعدت بالكاع أبجي ماعندي غير شي اسوي غير البجي ماعرف شنو اسوي..

تمنيت ريماس يمي وتشوف حالي

ريماس شوفي اختج الصغيرا شصار بيهاا دتحسون بيه لو لاا؟؟

حطيت ايدي ع وجهي وابجي ماعرف شنو اسوي المن اروح حتى ماعندي طاقه اتحرك كل ذره بجسمي توجعني ..

" ياااا عالممم حسوو حسووو بيهه ولو شويهه حسوو شوفوو اني انسانه يتيمه تيتمت من الصغر ماعندي أب ولا اخ الي يسندني ليش هيج تسوون بيه ليش "

ليشش ليش هيج تسوون والله ما اتحمل بعد ..

.. تخبلت ضليت اعيط واحجي ويا روحي اريد احد يمي ماكو اي احد نهاريت تهسترت الى ابعد حد ضليت بس ابجي واعيط ..

حطيت راسي ع الباب وايدي بعدها تذب دم ، رجلي تشخطت وكامت تحركني  ، جسمي كله يرجف بشكل مو طبيعي، و دايخه بحيث اريد اركز عدل ماكدر ، راسي يفتر عبالك حاطيني بدوامه ما أركز بشئ..

حسيت روحي تخبلت حضنت رجلي واني اكول لا مابيه شي، تذكرت من بابا مات وتمرضت وصارت بيه حاله نفسيه..

رفعت شعري يتساقط ويطاير بالهوا ،شعري  يربي بابا شعري اريدهه ليش
هيج يوكع ليششش ..

ضليت ابجي بهستريااا ، رفعت راسي وعطتت بصوت يمكن تقطعت الاحبال الصوتيه مالتي من الصرخه الي صرختها وكل هذا ومحد اجه هنا تأكدت ماكو احد بالبيت لان لو اكو احد مستحيل ميجون يشوفون شبيه...

كمت مدري شلون كدرت اكوم وصلت للميز مال المرايه باوعت ع شكلي اخوف
اي اخوف شعري مخربط عيوني حمر ومنفخات هالات سوده تحيطها ، شفايفي يابسات ، وجهي باهت واصفر  ..

جانت اكو شيشه مال عطر شلتها وشمرته ع المرايه كلها تكسرت..

شفت المكص وتذكرت رهف من تكول اكص من شعري حته ميوكع
ويثخت كمشته جاي اكص منه و نفتحت الباب بشكل جنوني..