أرواح مُقيدة.

البارت 20

البارت/ 20

الكاتبه/ ليان الموسوي

تفاعلوا بالنجمه وعلقو بين الفقرات عمري.

*****

نور.. انطيني التلفون بس احجي وياها شبيجج شنو بكيفجج

نرجس.. يلا حبيبتي بعدين احاجيج.. وسدة الخط

نور.. شكد وحده حقيره ليش منطيتيني بس احجي وياها شبيج

نرجس.. يمعوده البنيه متريد تحجي وياج كوه ،وحتى متعرفج

نور.. اييييييه متريد تحجي وياي كلتي موو ؟!

نرجس.. متعرفج بس امها صاحت عليها لو سامعه صوتها فد ناعممم ،
وحلوو جا مثل صوتج جنه صوت جبار ابو الطرشي ليفتر بصوبنه

نور.. امشي ولي لج تقلد ع صوتي ، وبعدينن وين صوتها حلو صوتها
يلعب النفسس اكيد وجاي تتموع وتنعم بصوتها اعرفهن لهذاً البنات عيوني

نرجس.. امم وانت شبيج نهديتي اسم الله

نور.. اني لا بالعكس منهديت بس جاي اكُلج  ويلا اروح انام ،بايي

نرجس.. روحي نامي احد لازمج

نور.. تره حملخجج امشي وليي ضوجتيني كُولش

نرجس.. اخخ كون الله وصوتي يصير مثل صوتها الـ ايه مرة اخويه
ولج تخبلل تجننن حته شكلها حلو هنيال اخويه عليها

نور.. نرجسسسس امشي وليي من كدامي عاد إذا الزمج اخلي عياطج ماله والي ولي عاد

نرجس.. رايحه ،بس انتي شبيج عيوني ع كيفج ،بس لا يكون غرتي من البنيه ؟

نور.. عيعع اغار منها ومنو هيه حتى اغار منها ؟

..طبيت للغرفه وسدت الباب كمشت راسي بخيبة امل..

اوف اوفف يا نوررر تجيج النعمه لحلكج وتطرديها بيدج ،اخخخ الله لو يرجع لزمن اوافق والله اللهي بجاه حبيبك محمد ميوافقون ميخطب حمزه يا ربي والله ما اتحمل شسوي ، وين الله ومتوافق بيي كون الله والله لصلي صلاة الشكر إذا صدك ..

.. رحت نمت مر ثاني يوم العصر جنت كاعده العب بالفون عادي نزل حمزه لابس دشداشه وعكال وساعه والسبحه بيده عطره مالي البيت ضليت اباوع علي باوع عليه بعدم اهتمام وصاح

حمزه.. يمااا نرجس يلاا وينجن حنتأخر ع الجماعه

نور.. نزلت عمه ام حمزه ونور وراها جانت كاشخه ولابسه عبايتها وتضحك مبينه فرحانه ضليت اباوع بتعجب عليها وقلبي كام يدك بسرعه ، معقول حيسويهااا معقول نساني بهاي سهوله كتلني الفضول اريد اعرف وين رايحين صدك حيخطب لو لا كمت من التخم وكلت.. احم ااء نرجس وين رايحين