البارت/ 24
الكاتبه/ ليان الموسوي
تابعو الحساب وصوتو 🌟
*****
رهف.. قبل كم يوم عقدنه محكمه واليوم اشترينه الغرفه هم وكملنه ورجعت للبيت جنت بالسياره بس اني وهوه كال
علي..بعد شهر رمضان حيكون العرس
رهف..بس مو كأن فترة الخطوبه قليله
علي..انتِ مو غريبه حتى اطول الخطوبه
رهف..بس حتى لو يعني شكو مستعجلين خليها ع الأقل أربعة اشهر واتجهز ع كيف
علي..رهف ماريد اطول مدة الخطوبه افهمي ، ولا تخافين تلحكين تجهزين كُلشي
رهف..بس عليـ.....
علي..رهف هذهَ انسب وقت لا تناقشين
رهف.. ضليت ساكته ماعرف شكول ردت احجي جان يقاطعني
علي..محتاجه شي
رهف..لا ،، بس علي
علي..رهفف انتهى الحديث
رهف..حجاها بحديه وتحذير ، مادري ليش قلبي نغزني وكامت تجيني افكار سوده ،، واكول بداخلي هوه اساسا ميحبني من عقدنه لحد هاي لحضه
كلمه حلوه ابدا ما كلي ،، ويحجي وياي برسميه فقط .
علي..يلا انزلي دخلي للبيت
رهف.. باوعت علي واحس عيوني تطلع نار منها وبلكوا ماسكه نفسي حتى ما ابجي ،، كُلش نرفزتني بطريقة كلامه كانو جاي يأمرني ،، عضيت شفتي واخذت الجنطه بدون ما احجي شي ، كان مبين عليه ضايجه من مسكتي للجنطه شلتها بعصبيه جاي افتح الباب ميفتح كمت اتعارك وياها .. ليش متنفتح ليشش ،، وضربتها بالجنطه قوي
علي..شبيج رهف
رهف..مـ..مـا ، العبره خنكتني كمت ما اكدر احجي بسرعه بجيت
وحطيت ايدي ع وجهي
علي..شبيج طفله ، كلها لان متفتح الباب ،، هاج فتحتها يلا انزلي
رهف..وخرت ايدي الترجف وكمشت الجنطه ونزلت اركض حتى محجيت شي
..رحت الغرفه امسح بدموعي اريد اسكت ماكدر ، لحد مرحت للحمام غسلت وبدلت ونمت حتى مسلمت ع ماما
كعدت و حاجيت ماما كلتلها ع موعد العرس ،
مها.. اي احسن لتطولون بيها هواي بعدين انتو مو غربه شكو تطولوها اخاف كلشي يصير استعجلو احسن
.. جنت ممقتنعه وماريد يكون العرس بهاي السرعه بس كلهم كانو راضين ويردون بعد شهر رمضان مباشر العرس مكدرت اعترض بعد وسكتت ...
بديت من هسه اشتري جهاز العرس محبيت اصرف كل الفلوس بس ع ملابس وهيج اشياء ف تفقت وي ماما انو اشتري بس الأشياء ألاساسيه والباقي المبلغ اشتري بي ذهب ع القل اذا اجه يوم وعتازينه فلوس اكدر ابيعه للذهب واسوي فلوس لان مندري الايام شنو ضامتلنه
أنت تقرأ
أرواح مُقيدة
غموض / إثارةفي مكان ما... وفي زمنٍ لم يكن بالحسبان، ثلاث أخوات تبدأ حكايتُهن من نفس الباب، لكن شيئاً ما... غيّر كل شيء. لم تكن الحياة عادلة، رغم تفوقهن، رغم أحلامهن، رغم قلوبٍ اعتادت أن تصدّق، أن تسامح، أن تُحب. في لحظة واحدة، تبعثرت الطرق، وتغيرت الوجوه، سقطت...
