أرواح مُقيدة.

البارت 36

ارواح مُقـيدة
البارت 36

ليان اسعد

لا تنسون تتفاعلون وتصوتون بين الفقرات
++
تابعوا حساباتي على مواقع التواصل أحبكم معشوقاتي

..
رهف ..

مرن يومين ، ماكو شي مهم يذكر بيهن

كعدت غسلت وباوعت الساعة بـ 3 الفجر هم يلا الحك اتحضر
وهم ناوين يطلعون بـ 5 للنجف ، كمت حضرت نفسي وطلعت شفت نور وعمه هناء بالمطبخ جاي يسون ريوك ، رحت ساعدتهم ، لحد ما كملنه
حطينه الطعام على الطاولة راحت عمه هناء تصيح علي وابو حتى ياكلون ونطلع
نور راحت تبدل ملابسها ، واني ضليت انقل بالاكل
اجوي كلهم كعدو ياكلون بهدوء بدون صوت ، واني ضليت انقش بالاكل مالي نفس اكل ، رفعت راسي على صوت علي وهو يكول

علي:- رهف ليش ما تاكلين ؟!
رهف:- ماريد ما اشتهي شي
علي:- لازم تاكلين وراج طريق طويل هسة تجوعين
رهف:- بس ..

هناء: ميصير عمه على الاقل لفة صغير واستكان جاي حتى لا دوخين بالطريق
رهف:- ماشي

اكلت شويه وياهم لحد ما كملنه ، شلنه السفرة وغسلنه المواعين اني ونور بسرعه
شويه واتصل عمو محمد على ابو علي حتى نطلع سوه
رحت بسرعه للغرفة طلعت التلفون مالتي والجنطة
وهم يصيحون علية اني ونور

نور:- رهف رهف العبي بسرعة بالاستقبال جبيهم
رهف:- ما اخذتيهم وياج

عفتها ورحت اركض مخبوصه وهم يدكون هورن ويصيحون انثولت
شلت العبي وطلعت اركض

قفل البيبان علي واني رحت صعدت بالسيارة
يم نور  وعمة هناء ، وعلي بالصدر هو يسوق وابو يمة هم

مشينه لحد الشارع العام هناك وشفنه سيارة حُر واكفة
من شافنة ركب سيارته ونطلق ضلت عيوني عليهم اريد اشوف رونق مجاي اشوفها
معقول نايمة؟؟!

الطريق كلة هدوء محد يحجي بس علي وابو
شوية ونور حولت طلعت قصائد الباسم الكربلائي ، الطريق هدوء والجو حلو
حُر سيارته كدامنه بس هو ورونق وامه وأبو

شوية وغفيت ما اعرف شلون ، حسيت على صوت نور تكعدني
نور:- رهف وصلنه النجف يلا

فتحت عيوني باوعت احنه بالكراج واصوات الناس ، وزوار هواي
عيوني غرغرو بالدموع من تذكرت ماما وبابا
نزلنه شفت رونق ردت اروحلها بس حر جان يمها كامشها من وجها ويحجي وياها وهي تبجي عرفت على ماما لان مشتاقتلها ، وحر يهدي بيها ، عفتهم ما رحت يمهم استحيت ، شويه وباسها من راسها وعافها ويا عمه بتول  اجو همه يمنه سلمنه عليهم وشبكت رونق
رهف: شلونج حبيبتي شبيج
رونق:- زينه مابيه شي
رهف:- تعالي وياي
رونق :- اريد اروح لماما اول
رهف:- لا نروح نزور ونصلي ونطلع للمقبرة افضل