أرواح مُقيدة.

البارت 32

ارواح مُقـيدة
البارت 32
ليان اسعد الموسوي

..
اللهم صل على محمد وال محمد
كما صليت على ابراهيم وعلى ال ابراهيم
انك حميد مجيد.
.

.

استغفر الله ربي و اتوب اليه
سبحان الله العظيم من كل ذنب عظيم..

..

..سكتت وهو يباوعلي بغضب مكتوم
تقدم ناحيتي وكال بصوت خافت

سيف الله:-الج عشر دقائق بس  اذا ما كملتي
وطلعتي كدامي راح تكونين انتِ الخرسانه بالنهاية

ريماس :-كمت من على السرير واني متوجها ناحيتة بغضب
شنو تسوي يعني ؟ تقتلني مثلاً كلش عادي ما اهتم

سيف الله:-لا وسفة عليج هل مرة ضلمتيني
انا سيف الله اكتل هيج انثى جميلة بسهولة ؟؟

سكت ومد ايده على شعري سحب خصلة و برمة على اصبعة
وهو يحجي بهدوء شيطاني
رفع عينة يباوع لعيني ابتسم بمكر وكال

سيف الله:-يعني ممكن انو تكولين مو انتِ
الي راح تنقتلين وتفارقين الحياة ! ممكن شخص
من اهلج شمدرينة الله اعلم

..من جاب سيرة اهلي قلبي نقبظ وصار تنفسي
سريع توترت وخفت من نظراته الماكرة والعوبة ، هند جانت واكفة تباوعلنة  بخوف ، هد شعري من ايده وحطة ورا اذني بخفة ، دنك لمستواي وهمس يم اذني بصوت هادي ، وانفاسة الحارة تكفخ اذني وعنقي ، خلة قشعريرة تسري بجسمي وتوتر زاد من قربة الي 

سيف الله:-عندي خبر كلش مهم الج ، يمكن يزعلج
ويمكن يفرحج ما اعرف بس هوَ يخص عائلتج ؟؟
متردين تعرفين شنو اخبار اهلج؟ ما مشتاقة تسمعين صوتهم؟؟

ريماس:-التفتت اله بسرعة واني اباعلة بقلق وغضب ، شعور الفرحة والحماس
واني اسمعة يذكر اهلي معناها هاهية راح يطلعني راح يخليني اشوفهم

جنت صافنة بعونه وافكر بكلامة بلعت ريگي ورجعت خطوتين
لورا وانا احاول ابين طبيعية وقوية همست بصوت حاد من بين اسناني
:- شنوو الخبر احجي ؟ شبيــهم اهلي كول ! لا تلعب على اعصابي ؟

سيف الله:-تؤ تؤ تؤ ما يصير هسه اكلج اول شي لازم شنو تسوين حتى اكلج؟؟
ريماس:-شنو اسويي احجييي راح تموتنييي الغـييي

سيف الله:- لا اذا تضلين هيج هسة اغير رائي وما اكلج ابد
اولاً اسلوبج بالكلام وياي يتعدل ، صوتج ما يعلا بوجهي الافاظج تحسنيهم
ثانياً يا عزيزتي خلي يتم هذا العقد وبعدين راح تعرفين كل شي عنهم
.. يلا هسه تاخرنه راح نكمل حديثنا بعدين عزيزتي لا تخافين
... حجة والتفتت الهند كال بامر