البارت/ 22
الكاتبه/ ليان الموسوي
مهم:- تابعو الحساب وصوتو
{اضغطوا ع النجمه وعلقواا }
قراءه ممتعهَ لكُـم اعزائي.
*****
ملاحضه/راح يكون اكو اختصر ببعض الأحداث .
نور.. تقريباً صارة فترة طويلة من رجعنه من البصره وره اسبوعين من رجعتنه،
ماما صارت تفتح موضوع الزواج ويا علي ، وهواي تلح علي بهذا الموضوع وحته بابا صار يكول لعلي تزوج ولد عمك كلهم تزوجو والي اصغر منك راح يتزوجون وانت بعدك ؟! مع انو مو كلهم متزوجين
بحيث اني من يمي مليت هوه قافل مايريد يتزوج بس اهلي قافلين نزوجك يعني نزوجك حتى علي تعارك وياهم وراح للبصره ثلاثة أيام ورجع وحلف اذا بعد فتحو سيرة الزواج يروح البصره وبعد ميرجع لبغداد ابد
فَـ بعد محد كله ومحد فتح سيرة الزواج وره فتره..
نور.. كاعده بالاستقبال العب بالفون وماما كاعده تباوع تلفزيون وعلي جان فوك
شويه ونزل
علي..يماا
هناء..ها يمه
علي..بعدج تردين تزوجيني لو بطلتي ؟!
نور..ضليت صافنه علي وفاتحه عيني من الصدمه ،صدك الي سمعته لو جاي اتخيل فركت عيوني وباوعت علي عدل ، بعده واكف يم باب الاستقبال وحاط أيده بجيب البجامه مالته وماما كامشه الريموت مال تلفزيون وصافنه منطقتي بولا حرف ؟؟!
علي..ها يما شبيج بطلتي لو بعدج تردين تزوجيني؟!
هناء..يا يما اكيد ارد ازوجك وافرح بيك وشوف ويلادك طبعا ليش ماريد .
علي..جا توكلي بالله وشوفيلي مرا
هناء..يا وساعة المباركه يمه واشوفك احلا عريس يبعد امك يا يمه يبعد كلبي شلون فرحتني ، شو ولك تعال دنك خل ابوسك ما الوحك عين البارده عليك وع طولك الحلو ،يا حلوه حتصير من نصيبك كون الله يوفقك ويسعدك دنيا واخره.
علي..عود بلغي ابوي من يرد لان ما كتله وراح اطلع وي جماعتي يمكن اتأخر لا تنتضروني ع العشى .
نور..هيج بلمح البصر وبكل برود كالها وصعد لغرفته ،،، فاجأني بقراره مجنت متوقعه علي يجي يكول لماما اخطبيلي حتى اتزوج ، من سابع المستحيلات يقبل ....
فزيت من صفنتي ع هلاهل ماما مادري منو الي راح يخطبون مع انو علي جان رايد ريماس بس بعد مادري ماما تريد تزوجه رهف
ساعه ب10 بليل جنه كاعدين كلنه نسولف ع خطوبت علي ومنو حيتزوج
من ماما كالتله إذا اكو وحده ببالك كول النه حتى نشوفها الك
بس جان رده بكل برود
أنت تقرأ
أرواح مُقيدة
Mistério / Suspenseفي مكان ما... وفي زمنٍ لم يكن بالحسبان، ثلاث أخوات تبدأ حكايتُهن من نفس الباب، لكن شيئاً ما... غيّر كل شيء. لم تكن الحياة عادلة، رغم تفوقهن، رغم أحلامهن، رغم قلوبٍ اعتادت أن تصدّق، أن تسامح، أن تُحب. في لحظة واحدة، تبعثرت الطرق، وتغيرت الوجوه، سقطت...
