مهم:- لا تنسون تتفاعلون بالنجمة 🌟
وتعلقون بين الفقرات 💬
↓↓
بنات قلبي اريد منكم تعليقات بخصوص القصة
وتفاعل حتى استمر
..
حنيتلك
وتدري اليحن
بيجي ويموت بسكته
مو مال نتعاتب بعد
راح المعاتب وكته
ومن ياهي ابدي بفركتك
خليتني معلعل و أون
ماضل وجع ما ضكته.
..
حر ..
شعور صعب لمن تفقد شخص عزيز على قلبك
شخص من صغرك وانت تحبه وتتامله ، و تنتظره يكبر
حتى تحصل علي ويصير من نصيبك
من الصغر اني عايش على هذا المسمى "رونق من نصيب حر "رونق الحر متصير لغيره"
من جنت ولد مراهق عمري ما يتجاوز العشرين سنه واني كل الي اعرفه انو رونق من نصيبي الي وحدي ، من اني وصغير عمي(ابو رونق) جان يكلي رونق من تكبر انطيها الك مره
عشت على هذا الاساس ونزرعت بعقلي وقلبي وكمت احبها واتعلق بيها ، كل يوم حُبها ينزرع ويكبر بقلبي وعقلي ، احبها من صغري اول ما اجت للدنيا اني شلتها من بعد ابوها ، اني الي جنت اهتم بيها وباكلها ودراستها ولعبها اني الي ربيتي على ايدي جنت مهتم باصغر تفاصيلها وهايم بيها
جنت يوميه انتضرها تكبر حتى اخطبها من اهلها
احبها بس ما معترف الها رغم الكل يعرف باني احبها و اريدها من دلالي واهتمامي بيها ، بس جنت انتظرها هيه تحس بيه و تبادلني نفس مشاعري ، ما جنت اريد إجبرها على شي هيه ما رايدته ، جنت اريدها تحبني مثل ما اني احبها ، اريدها تبادلني نفس المشاعر
..
جنت ولا زلت انتضر هذا اليوم
رغم تزوجتها غصب عنها لكن مو بيدي جنت خايف من فكرة انو تصير لشخص غيري ، من بعد ما رهف سولفتلي على الي مسويته رونق تخبلت وما ضل عقل براسي تسرعت بهواي امور وتهورت بيها ، رغم حبي الها وخوفي عليها ، لكن اذيتها هواي ، وجنت اني اتاذه وياها
كل يوم اصرخ بيها لو امد ايدي عليها لو اسويلها شي جنت احاسب نفسي من بعدها
اعوف البيت واطلع اروح لمكان فارغ مابي اي شخص اضل ابجي واصرخ وانهار لحد ما اتعب بدون علم احد
او احيانا اروح العب ملاكمه بس في سبيل ما اضل كابت الحزن و العصبية بداخلي
يمكن جان دوامي هو ينقذني بعض الشيء ، اروح اتدرب واطلع كل ضيم قلبي
اعاقب نفسي بتدريبات صعبه واليل كله عيوني ما تشوف النوم اضل افكر حسره تجيبني وحسرة توديني والندم ياكلني اكل
أنت تقرأ
أرواح مُقيدة
Misteri / Thrillerفي مكان ما... وفي زمنٍ لم يكن بالحسبان، ثلاث أخوات تبدأ حكايتُهن من نفس الباب، لكن شيئاً ما... غيّر كل شيء. لم تكن الحياة عادلة، رغم تفوقهن، رغم أحلامهن، رغم قلوبٍ اعتادت أن تصدّق، أن تسامح، أن تُحب. في لحظة واحدة، تبعثرت الطرق، وتغيرت الوجوه، سقطت...
