البارت/26
الكاتبه/لَيـان الموسويَ
ت
فاعلوا وعلقوا بين الفقرات 💋
******
رونق..حاولت انام بس ما كدرت ضليت بس اتقلب بالفراش
وبطني كامت توجعني وجع مو طبيعي موتتتني وماكو احد موجود يمي
ضليت ابجي وافرك بيها، تحديداً الوجع كان فوك كليتي الجها اليسرى ضليت افرك بيها عسى ولعل يخف الالم ولو شوي
.. أستمر الوضع لحد ساعه ب 2 ونص باليل الوجع مثل ما هوه تكطعت روحي تكطع تمنيت الموت ولا هل آلام هذا الي جاي أعيشه
حطيت ايدي ع خصري افرك بالمكان الي يوجعني واشهك من البجي
نزلت جوه واني امسح بعيوني ماعرف شنو اسوي المنوا اشكي واكول وحدي بالبيت ماكو احد يمي رحت للمطبخ فتحت الثلاجه طلعت كل الادويه طشرتهم ع الكاونتر
وادور ع مسكن مال الام لكيته واخذت حبايتين واني ابجي رحت للاستقبال ماعرف شنو اسوي
اختنكت من البيت رحت فتحت الباب وطلعت للحديقه
كعدت بيها ورفعت راسي للسماء وعيوني تدمع
ضليت ابجي واشهك ،، واسولف وي ربي
رغم مقصره ويا ما اصلي بس بوكت ما تضيق بيه الدنيا ما أقره قرآن
بس من اختنك وتحتصر بيه الدنيا
ماعرف إذا الله راح يسامحني ويغفرلي
ماعرف إذا راح يستجاب دعائي لو لا
ضليت ابجي بكل حركت قلب واشهك بصوت عالي من الم كليتي ومن الم روحي ومن تقصيري تجاه ربي
ماعرف شكد مر وقت واني كاعده برا ابجي وحدي الدنيا فجر والجوامع كانت تقرء قران روحي فرفحت والندم ياكل بيه بكد شعر راسي لان ما أتوجه إلى الله بس بوكت مصلحتي
كمت توضيت رغم مابيه حيل تعبانه الى ابعد درجه ،، فرشت سجاده بالاستقبال وأقره قران عيوني غوشت من الدموع بحيث ما اكدر اشوف زين
ضليت ع هل وضعيه لحد ما أذن اذان الفجر صليت ودعيت من كل قلبي
انو يخف الالم ويسامحني ربي ع كل يوم تركت بي الصلاة
لميت السجاده وكعدت ماكو نوم ما يجيني ضليت كاعده بالاستقبال مدري شلون وغفيت ومحسيت بعد
أنت تقرأ
أرواح مُقيدة
Mystery / Thrillerفي مكان ما... وفي زمنٍ لم يكن بالحسبان، ثلاث أخوات تبدأ حكايتُهن من نفس الباب، لكن شيئاً ما... غيّر كل شيء. لم تكن الحياة عادلة، رغم تفوقهن، رغم أحلامهن، رغم قلوبٍ اعتادت أن تصدّق، أن تسامح، أن تُحب. في لحظة واحدة، تبعثرت الطرق، وتغيرت الوجوه، سقطت...
