أرواح مُقيدة.

البارت 34

ارواح مُقـيدة

البارت 34

ليان اسعد الموسوي

لا تنسون تتفاعلون بالنجمة 🌠
وتصوتون بين الفقرات 💬
وتابعون حساباتي على الانستغرام والتلكرام.

..

حبني استاهل محبتك
صوغني گلادة لرگبتك..

**

رهف :-
كاعدة بالاستقبال ما مصكة الي سمعتة ابد
حاطة ايدي على راسي بعدني
مصدومة احاول استوعب الي سمعته من حر

حر وعمة بتول بغرفة رونق لان كعدت وراحوا يشوفوها
عمة بتول حالها مو احسن من حالي من سمعت الخبر حرفياً ..

اخذت كلاص ماي شربته وكمت اسمع صوت عمة بتول تصلي على محمد
وصوت شهكات حر العالية ترن باذني للان

من اجة للان يبجي ويشهك واول مرة هيج اشوفة
زهراء حركت التلفون على امها ما مصدكة تريد تجينه بس رجلها ماكو
بالدوام كالت العصر لو باجر اجيكم ..

مسحت دموعي وابتسمت عدلت حجابي وتوجهت للغرفة الي موجودين بيها
وكفت بالباب اباوعلهم واني كاتمه صوت شهكاتي

حر حاضن رونق ويبجي مثل الطفل ويبوس بيها من كل مكان
وعمة بتول تصلي على محمد وتمسح على ضهر حر وتكول بصوت مسموع

:-الحمد لله و الشكر الحمدللة ربي على هذا الخبر الحمدلله

رونق ما تعرف بالسالفة شنو عاكدة حاجبها بانزعاج منهم
وصافنة عليهم من تحجي صوتها بالكوة ينسمع وبصعوبه تنطق الكلمة كالت

:- حُر شكو

مسحت دموعي الي تنزل من عيني ردت ادخل بس استوقفني صوت الجرس البيت الي يرن عفتهم و رحت طلعت افتح الباب ..

فتحتة وشفت عمو محمد ، وعلي واهلة جاين
سلموا ودخلو متلهفين يشوفون رونق

علي مبتسم ، يمكن كلهم جانو يدرون بالخبر الاول
بانو رونق بيها سرطان بالكلى ؟

وهسة التحاليل الي طلعت تكول كل شي ما بيها
فقط حصوا و التهابات كُلش قوية صايرة عدها بس مو سرطان ..

دخلو كلهم بس علي ضل يمي حضني حيل وباسني بخدي وهو مبتسم
علي:-الحمد لله على سلامتها گليبي

رهف:-الله يسلمك ، يعني انتَ جنت تدري؟؟

علي:-اي بس ما متاكدين من الخبر ، لذلك ما بلغتج بي .