البارت/ 25
الكاتبه/ لَٕيـان الموسويَ
مهم:- تابعوا الحساب حتى يوصلكم اشعار عيناي .
******
رهف.. ماما كانت بالطابق الفوك بالمحل هيه وعمه واني جوا بالطابق الأرضي كاعده ع الكرسي لان تعبت من الفره شوي واتصلت بيه ريماس كانت مستعجله وتحجي بسرعه حاولت اسئلها وين تروحين بس غلقت التلفون وملحكت اسئلها ضميت الفون بالجنطه مالتي ونزلو ماما وعمه من فوك دفعته الحساب وطلعنه ونسيت اقول الها ع ريماس راح تطلع ..
..صعدنه تكسي متوجهين للبيت وكان الاذان يأذن مال المغرب
مها..خابري ع اختج كوليلها تطلع الخبز من المجمده خاف بارد
رهف..صدك نسيت اكلج ريماس خابرت كالت حتطلع من البيت بس متتأخر
مها..وين تروح وحدها
رهف..ما ادري خاف للأسواق مادري لان مكلتلي
مها..شعدها تطلع وحدها من البيت ومتكلي
رهف..هيه خابرت حتى اكلج بس نسيت
مها..اخ بعد عليه تطلع وحدها خوش تعلوم
رهف..ضليت ساكته لحد موصلنه البيت دخلته جان البيت هدوء
هناء..يا لعد ريماس وين
رهف..عمه خاف نايمه
هناء..اكو واحد ينام المغرب ميصلح امي روحي كعديها
رهف..ماشي بس احط المسواك بالمطبخ
..حطيته بالمطبخ وصعدت فوك للغرفه جانت ضلمه شغلت الضوء بس ماكان اكو احد نزلت لغرفة ماما ما موجوده بس كتبها وملابسها مال البيت شوي واجت ماما
مها..ها مكعدة
رهف..لا اساسا موجوده بالبيت بعدها مراجعه
مها..شنو ما موجوده صدك تحجين
رهف..والله ماكو فوك وهنا دشوفين بس كتبها وملابسها ؟
مها..شو جيبي تلفوني خابريها
رهف..اوكفي
..دورت ع الفون مال ماما كان بالاستقبال أخذته واتصلت عليها واني متوجهة الغرفه بس مترد
مها.. ها ردة
رهف..لا
مها..اتصلي مره ثانيه ،، شلون تطلع بدون متكليي شلون
..اتصلت مرد ثانيه ، زاد قلقي وخوفي عليها وماما ضلت تحجي
مها.. وين تروح مثلا وين اخ منج ريماس اخخ
رهف..ماما مترد
مها..شو جيبي عباتي اروح اشوفها خاف عند ابو الأسواق
أنت تقرأ
أرواح مُقيدة
Mystère / Thrillerفي مكان ما... وفي زمنٍ لم يكن بالحسبان، ثلاث أخوات تبدأ حكايتُهن من نفس الباب، لكن شيئاً ما... غيّر كل شيء. لم تكن الحياة عادلة، رغم تفوقهن، رغم أحلامهن، رغم قلوبٍ اعتادت أن تصدّق، أن تسامح، أن تُحب. في لحظة واحدة، تبعثرت الطرق، وتغيرت الوجوه، سقطت...
