Maana ke ham saath nahi
Mere Aftab-e-Ishq, iss dil mein aaj bhi sirf tera chehra hai, sirf tera naam hai,
jo chhap tum chhod gayi usee kabhi mitaya nahi jaa sakta,
ek khubsurat sa ehsaas jo tumne diya, jab bhi uss din ke baare mein sochta hu,
Hot...
Oops! This image does not follow our content guidelines. To continue publishing, please remove it or upload a different image.
Anirudh's POV...
Shaniwaar ko sankat Mochan darshan karke aaya.. raat toh chashmish ke khayaalon mein hi kat gayi..mein toh bas uske baare mein raat bhar sochte raha...soch soch ke kabhi hasi aati thi ki voh bilkul ek chhoti bacchi ki tarah thi.. harkate bhi uske bilkul bachho wali thi.. pen ko muh mein daal kar chabate huye..haseen khayalon mein kho jaana..toh kabhi pen ko hotho se lagana.. waise koi IIT ya IMS waala use dekhta toh shayad pagal ghoshit kar deta..par maharaj, ham thehre BA ham hote bhi pagal hai aur pasand aise pagalo ko hi karte hai..kyuki hame pata hota hai ki inme koi chhalava nahi hota, koi dikhava nahi hota.. Raviwar ke subah mein late utha... nahakar baitha tha.. sochta tha ki yeh din bhi khatm ho.. tabhi chaubey ji aur Maurya aa jaate hain..thodi masti mazak hone lagta hai..wakt dheere dheere kat jaata hai..aur phir ham log khaana khaate hai... Aur mein khaana kha kar library nikal jaata hu.. Kareeb 1 baj raha tha..mein uska intezaar kar raha tha... Man mein ajib si bechaini thi.. sochta tha.. aayegi bhi voh ya nahi..! Kahi aisa toh nahi ki kahi kapde dhote dhote thak gayi ho..! Abb ghadi ki sui ki har tik tik mujhe pareshan kar rahi thi..tabhi mujhe chashmish aate huye dikhi..mein toh bas use dekhte hi reh gaya..aaj mujhe bhi ehsas ho raha tha ki mein use hafsiyo ki tarah dekh raha hu.. dekh kya raha hu.. mein use dekhkar hafsi ban gaya tha.. aaj usne full sleeves ki salwaar suit pehni thi...jiski fitting itni achhi thi ki koi tailor ko award dena chahiye..upar se half jacket pehna tha..usne aaj wahi cartoon wala topa pehna tha..jise pehne hue meine use pehli baar Lanka pe dekha tha..woh meri taraf aa hi rahi thi...meine khud ko sambhalte huye.. use hi bolte huye haath hilaya.. usne bhi muskurakar jawab diya...
Bondita: aaj bhi library??
Anirudh: ha woh mujhe notes banane the..
Bondita: par tumne toh copy band ki hui hai..! Yeh notes banane ka koi naya tarika hai?
POV continues.. Meine haste hue kaha...
Anirudh: aree nahi..! Voh bas abhi aaya toh socha 10 min baad karte hai.. toh tumhe pata chala ki mujhe tumhara naam kaise pata chala..!?
POV continues... Usne copy kholkar naam likha panna mere saamne rakh diya..
Bondita: nazre kaafi tez hai tumhari !
Anirudh: ji taarif ke liye shukriya aapka!! Bondita.. agar tumne mujhe maaf kar diya ho toh hum ek dusre ko aur dhang se jaan le..
Bondita: Aur agar maaf na kiya ho.. tohh???
Anirudh: maaf Nahi kiya hai toh.. naam ke saath number bhi bata dena..hum roj call karke maafi maangte rahenge jab tak aap maaf na kardo..!
