Mera Pehla Pyaar - Chashmish

chapter 16

Anirudh's POV...

Library se chashmish ke notes banwake, usee MVV chhodkar mein hostel jaane laga. Thodi hi dur par, ek banda mil gaya, hostel tak lift di.

Mein hostel pahucha, kafi khush tha mein! Mujhe baar baar library ka voh pal yaad aa raha tha, ki meine paani pi kar, uski rumal se muh pochha, aur chashmish ne bhi paani pi kar usi rumal se muh pochh liya. Jab ki meine pichhli baar aisa kiya tha, toh voh kafi baura gayi thi.

Lekin, iss baar usne gussa bhi nahi kiya, aur usi rumal se khud bhi muh pochh liya,

Toh.. mujhe laga, guru.. lagta hai Mahadev ki kripa ho gayi hamare upar!

Aur, guru.. kisi ne sach hi kaha hai, yeh Banaras hai, yaha der saver kripa hoti hai Mahadev ki, par hoti jaroor hai!

Yuhi chashmish ke khushi mein, najane kab ghanto bit gaye.. pata hi nahi chala.. aur khaana khaane ka wakt ho gaya..

Chaubey ji aaye aur bole

Chaubey : ka ho Anirudh baba? Khaana waana khaivo ho ki na?

POV continues...

Ham bhi josh mein bole..

Anirudh : aree kahe nahi guru? Chala! Maurya ko bulawa..

POV continues...

Ham teeno ne khaana khaya, phir thodi hasi majak kiya.. itne mein 9 : 30 baj gaye, aur Maurya ji ki tuntuniya tuntunane lagi.. hamne haste hue kaha..

Anirudh : jaa ho bhaujai ka bulawa aa gail..!

POV continues...

Maurya ji haste hue waha se uthkar chalne lage..

Chaubey : chalo, mein bhi jaa raha hu..

Anirudh : thik hai..

POV continues...

Chaubey ji ke jaane ke baad, hamne bhi kaan mein earphone thusa, aur chashmish ko call kar diye..

Chashmish ne call receive kiya..

Bondita : hello bandar! Abhi toh library mein 4 ghante the! Firr call kar diye?

Anirudh : haa... Voh.. chashmish, isliye kiya kyuki kal Sunday hai, dopeher ki apni mes off karado, kyuki kal ka khaana tum khila  rahi ho..

Bondita : haa,meine bol diya hai.. mes maharaj ko, mujhe yaad tha! Mein jaanti thi ki bandar bina khaaye nahi maan ne wala.. bohot bade khabbu ho..

Anirudh : aree tumne hi toh kaha tha ki, mein khilaungi.. toh meine bol diya..

Bondita : meine bol diya toh uss se kya? Ladki se koi paise kharch karata hai bhala, bandar!

Anirudh : voh kya hai na, mein gender discrimination  par vishwas nahi karta! Ladki ladke sab samaan hai.. aur tum paise dogi toh mujhe sharm bhi nahi aayegi..

POV continues...

Meine haste hue kaha! Voh bhi hasne lagi..

Bondita : pandit ji,Dhanya hai aap! Charan kaha hai aapke? Sparsh karlu?

Anirudh : chinta na karo Kanya! Uchit samay par aapko yeh saubhagya bhi prapt hoga!

POV continues...

Kehkar mein jor se hasne laga.. usne gusse se bola..

Bondita : chup karo bandar! Pair tod dungi mein tumhara!

POV continues...

Mein fir se hasne laga, tabhi pichhe se chaubey ne mere sar ko thoka..  ( ohh no )

Chaubey : kaun hai be?

POV continues...

Meine hadbadakar, phone kaat diya.. mujhe abb ehsaas ho gaya, ki.. beta abb toh gaye.. yeh dono aaj jaan le lenge.. chaubey ne haath se mobile chhina aur dekhne laga..

Chaubey : abbee yehh tohhh chashmish! Kameeneee... Bhaujai se batiya raha hai! Mauryava sahi keh raha tha, ki sasura bahut khush rehta hai aajkal! Aur dekh ghum ghum kar kisse batiya raha hai..

POV continues...

Abb dono ne mujhe jameen par bakayda litaaya aur bina kuchh puchhe laat Mukko ki baarish kardi!

Kareeb 5 min tak behtareen tarike se kutne ke baad, jab dono haafne lage.. toh hame chhoda..

Ham bhi bilkul sust ho gaye the, thukaate thukaate.. voh toh bhala ho pitaaji ka, ki primary ke master hai.. jo roj niyameet rup se hamari thukai karte the, toh aaj ham inn dono ko jhel paaye.. warna koi dusra hota toh itne mein nipat leta.. ( swarg ko pyaara ho jaata)

Abb kuchh der maar khaane ke baad meine Maurya se kaha..

Anirudh : sasurke, pehle paani pila.. phir batata hu sab..

POV continues...

Use bhi meri halat dekhkar taras aa gaya, aur bina kuch kahe paani lene chala gaya.. paani pine ke baad, meine puri story batayi..

Anirudh : bhaii mein soch raha tha ki baat kuch aage badh jaaye toh tum logo ko bata dunga..

Yaar voh kafi, open mind ki hai.. uske liye shayad yeh sirf dosti hai.. jo ki voh college ke samay se, sabse karti aayi hogi.. aur usne warning bhi di hai--

Kabhi mujhe hurt na karna...

Isliye abhi mein kuch bhi nahi bol raha tha.. bas!

Lekin yaar yakeen maano, tum  dono hi toh ho BHU mein bas!

Kuch hota toh.. sabse pehle tumhi dono ko batata mein!

POV continues...

Maurya ne pith thokte hue kaha..

Maurya : koi baat nahi mere sher! Waise abb BHU mein ham dono ke alawa koi tera ho gaya hai!

POV continues...

Aur ham teeno hasne lage..

Anirudh : bhai, kal uske saath lunch par jaana hai, baat ho rahi thi.. tabhi tum log aa gaye.. baat karlu bhaii?

POV continues...

Unn dono ne kaha..

Chaubey aur Maurya : ohh shabbash ! Karle bhaii karle..

POV continues...

Meine bondita ko phirse call kiya.. usne call kafi der baad pick kiya aur bola...

Bondita : haa bolo.. kya hua?? Tumhare dono dost kyu chilla rahe the??

Anirudh : aree voh kuchh nahi, unhe lag raha tha ki mein girlfriend se baat kar raha hu.. aur unse sab chhupata hu..

POV continues...

Usne thoda rudely puccha..

Bondita : toh tumne unse kya kaha?

Anirudh : kuchh nahi! Bas yahi ki, friend hai..

Bondita : unhe yeh toh nahi bataya ki mein hu!?

Anirudh : nahi.. bilkul nahi..

POV continues...

Usne lambi saans li aur kaha..

Bondita : chalo thik hai!

Anirudh : kya thik hai?!

Bondita : n-nahi kuch nahi! Achha abb jao.. abhi mujhe padhna hai, kal ek baje milte hai, VT par!

Anirudh : ok!

Bondita : bye! Sweet dreams, bandar!

Anirudh : (haste hue) same to you, chashmish!

to be continued...