Maana ke ham saath nahi
Mere Aftab-e-Ishq, iss dil mein aaj bhi sirf tera chehra hai, sirf tera naam hai,
jo chhap tum chhod gayi usee kabhi mitaya nahi jaa sakta,
ek khubsurat sa ehsaas jo tumne diya, jab bhi uss din ke baare mein sochta hu,
Hot...
Oops! This image does not follow our content guidelines. To continue publishing, please remove it or upload a different image.
Anirudh's POV...
Chashmish se baat karne ke baad, mein bohot khush tha, lagta tha.. ki aage baat badh sakti hai.. par dusri taraf lagta tha ki, chashmish, kafi achhe family se hai..
Pitaji, professor.. maa uski inter College ki lecturer! Aur iske bhi armaan hai IAS banne ke! Toh kaise hoga Mel..
Ho sakta hai shuru se convent school se padhi hai, waha par ladke ladkiya friend hote hai.. aur open minded hote hai..
Ho sakta hai.. yeh mujhe bas usi tarah treat kar rahi ho..
Kaafi asamanjas mein tha mein ! Sochta tha, ki mein gaav mein padha bada ladka, maata pita bhi gaav mein hi rehte hai, aur gaav ke kuch reeti rivaaj bhi hote hai.
Voh toh aap samajh hi sakte hai!
Aur bahu ko unn reeti rivaajo ko maan na bhi padhta hai, jo na maane.. gaav waale, ghar waalo ko taana maar maar kar jaan le lete hai,
aur hamari maataji! Toh thehri mahol le ki panchayat ki head.. toh unko apni bahu se, kuch umeed toh hogi hi gaav mein..
Aur hamari chashmish thehri, lucknow ki bala.. aur jab 2 aurte aapas mein takrati hai, toh bhukamp aa jaata hai..
Aapki maa, aapke liye maataji hai.. lekin aapke patni ke liye, bas ek aurat hai voh.. toh jab takkar hogi.. voh bhi do aurto waali, jisme koi rishta aade nahi aata, mein yahi sab soch raha tha, thodi chinta bhi hoti thi, aur soch soch ke maja bhi aa raha tha,
Kya mast fight dekhne ko milegi!
Mein chashmish ko, bilkul apne ghar ki bahu banake feel kar raha tha, ki kya hoga ghar par?!
Sochte hi hasi apne aap aa jaati thi, aise hi sochte sochte mujhe nind aa gayi..
Subah utha toh, chashmish ka message aaya tha,
Bondita : Good morning Bandar! Free ho toh aaj library chalo, 2 baje, meri thodi help kar dena, notes banane mein! Aur isi bahane tum padh bhi loge.. nahi toh mujhe pata hai, tum kuchh nahi padhte!
POV continues... Meine message kiya..
Anirudh : thik hai, 2 baje milte hai, VT par..
Bondita : ok
POV continues...
Mein utha, jaldi se nahakar nashta kiya.. aur ham log class gaye.. phir mein 1 baje hostel aaya aur khaana kha kar library ke liye nikal liya.. meine chashmish ko message kiya..
Mein paidal hi chal raha tha toh ek bhaiya mil gaye, meine lift li aur pahuch gaya VT.. mein chashmish ka intezaar kar raha tha, 10 min baad bus aayi.. meri nigaahe chashmish ko dhund rahi thi.. par voh kahi dikhi nahi.. toh iss chakkar mein, har chashme wali ladki ko ghure jaa raha tha..
tabhi pichhe se kisi ne thoka mere sar par! Mein muda toh dekha, chashmish thi.. muskuraakar boli..
Bondita : yaha bhi Nayan sukh? Thoda kam karo, sudhar jao abb..
Anirudh : waise mein tumhe hi dekh raha tha, tum dikhi nahi.. aurr ha, sudhar kyu jau mein ?
Bondita : dost ho mere! Aise ladki taadoge.. toh koi dekhega toh meri bejati hogi na?
Anirudh : achha aisi baat hai ! Waise BHU mein kaafi famous ho.. sab toh aapko jaante hi honge, sabko aapse milne ke liye line lagani padti hai..
Badi aayi bejati waali, chalo abb shanti se library..
