Mera Pehla Pyaar - Chashmish

chapter 29

Anirudh's POV...

Abb ham dono ek ho gaye the.. kuchh aur mat samajhayega aap! Mujhe pata hai aap sab log bohot hi intelligent hai.. Ek hogaye the yaani.. ek dusre se milne julne lage the.. ek dusre ko aur jaan ne lage the..  roj subah subah tehelne ke bahane milna, toh kabhi kisi kaam se lanka jaana.. hafte mein kahi khaane pe jaana.. yeh sab kuchh aam baat ho gayi thi..

Abb graduation ka last saal tha.. toh chashmish ne kaha.. abb milna julna aur baate karna.. dono kam Karna hoga.. kyuki mere papa chahte hai ki mein PG  JNU se karu.. aur tum bhi tayyari karo.. ham dono ko delhi chalna hai..  meine kaha thik hai..

Sach kahu toh.. banaras aur BHU hame dono hi bhaa gaye the.. ise chhodne ka bilkul bhi man nahi tha hamara.. aur hamare dono param mitr.. maurya ji aur chaubey ji.. jinhone sapna dekha  tha.. ki ham sab saath mein PG karenge.. aur yahi.. BHU ke banke reh jaayenge.. par kya kare.. chashmish thi ki maan ne ko tayyar hi na thi.. pure man se JNU JNU jap rahi thi.. usne khud hamara form daala aur apni kasam di.. "ki tum puri koshish karoge.." meine kaha thik hai..

Hamne bujiyang man se chaubey aur maurya ko yeh baat batayi..

Chaubey: yaar thik hai!! Jaisa voh chahti hai.. vaisa hi karo.. hamari fikr mat karo.. ham kal bhi tumhare saath the.. aaj bhi hai aurr.. aage bhi rahenge..

Dil khush ho gaya guru.. aur laga diya.. HAR HAR MAHADEV ka naara! Pura hostel gunj gaya.. gale toh ham teeno aise mil rahe the.. ki jaise maano.. aaj hi vidai kar denge sab hamari..

Ham logo ne milna bohot hi kam kar diya tha.. subah subah kabhi tehelne ke bahane.. mulaakat hoti thi.. yaa fir kabhi chashmish ko mujhe padhana hota.. toh library mein..

Wakt aa gaya JNU ke paper ka.. ham gaav ke primary school se padhe.. murga banke.. kukdu kuu.. Hindi mein chillane waale ladke.. aur chashmish.. Lucknow ke CMS se padhi.. aur angreji aisa bole.. ki susure.. ghat par angrej bhi sharma jaaye..

Khair, hamne apni hindi ke saath.. puri koshish se jang ladi.. result aaya.. chashmish select ho gayi thi.. aur ham, waiting par latke huye the.. samajh mein nahi aa raha tha.. ki khush ho ya dukhi.. par chashmish hamse kafi naaraj thi.. 2 din tak baat nahi ki.. isi bich BHU ka result aaya.. jisne aag mein ghee ka kaam kiya.. yaha ham 5th ranker the..

Chashmish ka ghussa saatve aasmaan pe tha..

Bondita: tumne jaan bujhke kiya hai na aisa!! Tum kabhi nahi jaana chahte the.. BHU chhodkar..

Meine chashmish ko bohot manane ki koshish ki.. par voh nahi maani.. meine bhi ghusse mein aakar uss se keh diya..

Anirudh : HAA mein nahi jaana chahta tha.. JNU mein kabhi.. par yahi sach hai.. ki paper ki tayyari karne mein koi kasar nahi chhodi.. tumhari kasam! Aur jinn dosto ko tum dosh de rahi ho.. unhone bohot madad ki hai meri.. samjhi?? Unhe bura bhala mat kaho.. jo bhi kehna hai mujhe kaho..

Chashmish ne khud par mujhe chillate huye.. pehli baar paaya.. meine aise kabhi usse ghusse se baat nahi ki thi.. voh samajh gayi thi ki isme mera koi dosh nahi hai..

Bondita: achha thik hai.. koi baat nahi.. jyaada mat socho.. ghussa mat ho.. kal baat karte hai.. love you!!

Meine bina kuchh kahe.. phone rakh diya..

_______________

Chashmish se aaj mein pehli baar ghussa hua tha.. jhallahat mein meine chashmish se bilkul chillate huye baat ki thi..

Chashmish bhi samajh gayi thi ki.. JNU ke pravesh pariksha mein naa nikalne mein.. mera koi dosh nahi hai.. usne love you jaana kehkar phone rakha.. lekin meine koi jawaab nahi diya..

Mera dimag wastvikta mein kaam nahi kar raha tha.. mein soch hi nahi paa raha tha.. ki mein kya karu..

Kaise usee samajhau ki.. meine apne apni taraf se koi kasar nahi chhodi pariksha mein.. kaise usee samjhaata usee.. ki gaav ke primary school se school se padhkar.. government college mein pahucha.. aur aaj BHU!!

Mere gaav se mein.. mein pehla ladka tha.. jo BHU aaya.. hamare liye toh yeh toh bohot hi garv ki baat thi.. gaav ki mahila panchayat mein.. hamari maataji.. jo badai maarti thi.. ki puchho mat!!

Kaise samjhaata mein chashmish ko.. ki aajadi se pehle ham gaav waalo ko angrej maarte the.. aur aaj.. aajadi ke baad.. yeh angreji hame maarti hai.. mein isi paristhiti mein uljha tha.. ki tabhi.. chashmish ka message aaya..

Bondita: jaana I love you! Mein ghusse mein thi.. bas tumse dur jaane ke khayal se chilla uthi.. please mujhe maaf kardo.. aur ha.. BHU mein top karne ke liye badhai.. jaana.. aap aur mein.. ham kahi bhi rahe.. hamesha ek dusre ka saath denge.. waada kariye.. aap achhe se padhenge.. gaav ka aur apne maa babuji ka naam roshan karenge..

Chashmish ka message padhkar.. mera ghussa kam ho gaya..

Anirudh : sorry yaar jaana.. meine bhi ghusse mein aakar chillake baat ki tumse.. yaar voh meine bohot koshish ki.. par nikal nahi paaya..

Chashmish ne call kiya..

Anirudh: haa jaana bolo..

Bondita: ghussa toh nahi ho na jaana..

Anirudh: nahi abb nahi hu..

Bondita: yaar.. abb toh ham dono dur ho jaayenge.. mil bhi nahi paayenge..

Anirudh: aree nahi yaar.. aap admission le lo.. phir ham milne waha aayenge. Aur phir Lucknow toh aap aaoge hi.. ham waha aa jaaya karenge.. hamare gaav ke chachaji rehte hai.. hamesha bulaate rehte hai.. toh.. kabhi kabhi aa jaaya karenge..

Chashmish bilkul khush ho gayi..

Bondita: sach mein!!! Aap aaya karoge hamse milne!?

Anirudh: aree ha!! Bilkul.. kyu nahi aayenge!

Bondita: waise, hame bhi bananas aana hoga.. abhi TC vc ke liye.. toh aap bhi aa jaana.. pleasee!!

Anirudh: jaroor aayenge!! Par...

Bondita: kya par??

Anirudh: ek bohot dip liplock kiss dogi tab!

Chashmish haste huye boli..

Bondita: haa le lena.. phir pata nahi.. kitne dino baad miloge..

Anirudh: haa yaar!

Bondita: aap toh jab roj milte ho.. tab bhi hafsiyo ki tarah hi rehte ho hamesha.. jyaada din baad miloge.. tab pata nahi kya kya hoga..

Mein hasne laga..

Bondita: achha.. abb so jaiye.. raat kafi ho gayi hai..

Meine pyaar se kiss dete huye kaha..

Anirudh: love you meri jaan..

Chashmish ne bhi ek deep kiss dete huye kaha..

Bondita: love you too!!

To be continued...