Mera Pehla Pyaar - Chashmish

chapter 27

(Play the bgm for better experience)

Anirudh's POV...

Zayka mein jaane ke road par construction ka kaam chal raha tha, toh hamne dusra waala raasta chuna, uss raaste se jaate huye ek chhota sa gaav bhi tha, toh usi raaste se ham jaa rahe the, road thik nahi tha.. par mere faltu se idea ke wajah se ham gir gaye kichad waale paani mein..

Chashmish ne mujhe manane ki koshish ki par.. mein usse bohot naraj tha, usne mera haath thaam ne ki koshish ki toh meine apna haath khich liya, usne sorry waala ishaara bhi kiya par.. mein maana hi na.. chashmish muskurayi.. aur mere gaal par jo kichad laga huya tha, usne apne dupatte se saaf kiya, voh meri aur badhi aur.. usne mere gaal par kiss kar diya..

Pehle toh mujhe jhatka laga, par baad mein, Mein muskura utha, voh bhi muskuraayi.. mere chehre par maano 32 led ki smile utar hi nahi rahi thi.. chashmish thoda Sharma gayi.. meine uska haath apne haatho mein thaam liya.. ham dono muskuraate huye ek dusre ko hi dekhe jaa rahe the, pata nahi kabse!

Tabhi, kuchh awaaj aaya, ek truck tha! Ham dono ne jhat se apne apne haath alag kar diye.. saara mood kharab kar diya tha yaar usne.. uss truck waale ne kaha.. "ohh! Kya hua bhaya? Chot lagi hai kya? Tumhaari madad karu? Hamne naa mein sir hilaaya..

Ham uss kichad se uthe fatafat! Voh phirse bola.. "yeh aajkal ke bachhe! Chot bhi nahi lagi hai, phir bhi uss kichad mein aise pasre pade hai jaise ghar ke aangan mein pade ho! Chal bhai chal!

Meine bike side mein ki, truck waale babu chale gaye, tabhi chashmish ne kaha..

Bondita : kapde kitne gande ho gaye hai, abb iss halat mein hostel jaayenge? Abb kya kare?

Anirudh : arey! Chashmish.. yahi kahi aaspas mein tubewell hoga, chalo.. wahi saaf kar lenge..

Meine helmet utaara, aur bike ke handle par lock karke rakh diya.. aur gaadi ko dhakelte huye, ham jaane lage..

Wahi.. thodi hi dur ek tubewell tha, usee dekh ham dono ki khushi hi thikaane par na thi.. ham dono ek dusre ko dekhkar muskura uthe.. meine chashmish ko chalne ka ishaara kiya.. chashmish ne bhi muskuraate huye haa mein sir hilaaya..

Ham dono lagbhag bhaag rahe the tubewell ki aur.. saamne chashmish thi aur pichhe mein.. ham dono jor jor se daud rahe the, maano koi race ho.. kabhi chashmish aage jaati toh kabhi mein, aur isi hasi mazak ke khel mein, hamlog aakhir tubewell tak pahunch hi gaye! Ham log haaf rahe the.. Chashmish jeet gayi thi..

Anirudh : arey waah chashmish! Tum toh jeet gayi..

Bondita : Na! Aap haar gaye, jaanbujh kar haina!?

Mein hasne laga, voh bhi hasne lagi..

Chashmish tubewell ke paani se apne haath saaf kar rahi thi, aur mein! Bas usee dekhe jaa raha tha.. voh abb apna chehra paani se dhokar meri aur mudi..