Mera Pehla Pyaar - Chashmish

chapter 11

Anirudh's POV...

Chashmish se baat karne ke baad, mein kaafi khush tha... Mera man bilkul bhi nahi tha ki chashmish itne jaldi offline ho jaye..! Mein abhi bhi baat karna chahta tha.. shayad, bohot baat karna chahta tha..

Chashmish offline ho gayi... mein abhi bhi online tha.. mujhe lagta tha ki kahi voh dubara na online ho jaye... Kareeb 10 min tak mene uska intezaar kiya...phir mein bhi offline ho gaya..

Mein kambal mein letkar sochne laga...

Meri nazron ke saamne chashmish thi.. aur meri aankhon ke saamne se , pehli mulakat se ab tak ki kahani ese gujar rahi thi, mano jaise koi film chal rahi ho... Yeh sab mujhe chashmish ke pyaar mein dubote jaa raha tha... Mujhe abb chashmish aur bhi pyaari lagne lagi thi...

Voh kehte hai na ? Din duni aur raat chauguni ho rahi hai !

Chashmish ke liye mera pyaar itna bad raha tha ki feeling itni pyaari ho gayi thi, ki voh mere liye duniya ki sabse khubsurat ladki thi...

Tabhi hamari tuntuniya tuntunai ( mobile )mujhe laga ki kahi chashmish ka message toh nahi aaya ! Par voh mere friend ka message tha.. meine reply nahi kiya.. kyuki iss wakt mein baat nahi karna chahta tha..

Abb tuntuniya (mobile) haath mein thi toh mujhse raha nahi gaya.. meine chashmish ka message khola aur padhne laga..

Meine ek baar padha, bohot achha laga..! Phir dubara padha..
Mujhe pata nahi kya ho gaya tha ki mein uske message ko baar baar padhke khush ho raha tha.. shayad yeh bohot ajeeb tha ! Par iss ajeeb si harkat karke mujhe bohot hi khushi mil rahi thi..

Abb meine uske pic ko dekhna shuru kiya.. haalanki meine inn 2 dino mein hazaro baar uski pic dekhi hogi.. par phir bhi mein uski pic dekhna chahta tha.. mujhe uski 2 pic behad pyaari lagti thi..

Ek, uski friend ke saath Ganga Mahal ghat ki thi.. jisme chashmish apne gol gol chashme se apni sundar si aankho ko dhake huye thi..!

Aur ek pic, uske friend ke timeline par thi.. aur voh dono kisi shaadi mein thi.. pic bohot pyaari thi ! Jisme, chashmish ne chashma nahi lagaya tha, lehanga pehna tha.. halka sa makeup aur jhumke, iss pic mein chashmish bohot hi khubsurat dikh rahi thi..

Meine voh pic save kar li thi.. sach kahu, mujhe uss pic ko dekhkar.. chashmish par itna pyaar aaya ki meine use kiss kar liya.. waise aap ise chhichora pan samjhte honge.. par mere liye yeh pyaar tha !

Inn 2 dino mein, mein chashmish ko bina dekhe sota hi nahi tha.. aaj toh baat ho gayi thi.. ham friends ban gaye the, aaj toh hamari aankhon se nind kafi koso dur thi.. bas paas thi toh sirf chashmish!

Jisse mein dur bilkul bhi nahi hona chahta tha.. mujhe pehli baar kisi se pyaar hua tha.. aur Mahadev ki krupa se, Kanya Sukanya hone ke saath Brahman bhi thi..

Toh sahab ! Pyaar toh banta hai..

Mein chashmish ke khayaalon mein yuhi duba tha,pata nahi mujhe kya hua.. ki meine chashmish ke pic ko khola.. aur apne seene se lagakar sone ki koshish karne laga..

Mujhe aaj esa feel ho raha tha, ki meine chashmish ko gale laga liya ho.. aur yeh kamaal ki jaadu ki jhappi thi.. jo mujhe aaj khushi ki charam seema ki aur leke jaa rahi thi..

Mein chashmish se baato ko man mein hi man sochkar baar baar khush hota rehta..!

Ohh toh madam single hai, abhi tak boyfriend nahi hai matlab koshish kare toh yeh hamari ho sakti hai !

Tabhi dusra message,
Are yaar voh, inn sab chakkaro mein nahi padhna chahti hai.. use boyfriend jhamela lagta hai.. haa sahi hai, agar esa nahi hota toh ab tak... S..single nahi hoti.. kahi na kahi, set hoti.. itni pyaari hai koi na koi toh hota hi.. ise sach me boyfriend ke chakkar mein nahi padhna..

nahi toh yeh abhi tak akeli nahi rehti..

haa yaar isne kaha bhi toh hai, ki umeed hai ki tum dosti se hurt nahi karoge mujhe..! Kahi isi taraf toh ishaara nahi tha uska..?

Mein yeh sab sochkar dukhi ho gaya.. par ladke toh ladke hote hai.. bhale blood B negative ho.. par soch B positive wali hoti hai sasuro ki..

meine bhi mobile uthaya pyaar se kiss kiya, aur kaha

Mahadev, sachha pyar hai kuchh bhi ho jaye haar nahi maanenge.. ek koshish toh jaroor karenge.. pyaar ka izhaar toh jaroor karunga.. baaki uski marzi.. kiss karne ke baad thoda pyaar mein confidence aaya.. aur phir sone ki koshish karne laga.. raat mein chashmish ko yaad karte karte kab nind aa gayi mujhe pata hi nahi chala..

To be continued...

__________________________