Mera Pehla Pyaar - Chashmish

chapter 12

• • •

Anirudh's POV...

Chashmish ki photo seene se lagaye, mujhe najane kab nind aa gayi pata hi nahi chala !

Subah uthkar dekha, phone bed par hi tha, touch kiya toh abhi bhi chashmish ki photo open hi thi, jise dekhte hi, subah subah dil khush ho gaya ! Aur pyaar se phone ko kiss kar liya hamne, mano yeh hamara phone nahi ho, chashmish ho !

Tabhi dusre pal ehsas hua, ki kahi mujhe doctor ki jarurat toh nahi hai na ? Kyuki chashmish ko dekhkar, meri hafsi harkate inhi ki aur ishaara kar rahi thi,

Ki, tum jald hi pagal hone ke kardar pe ho !

Koi bhi pagal khaane mein, ek bed ka intezaam karna padega !

Phir socha, aree chashmish hai hi itni pyaari, ke pyaar aa jaye ! Yeh pagal pan dusro ke liye hoga, mere liye toh pyaar hai !

Tabhi dhyaan aaya, ki yaar mein toh phone ko seene pe rakh ke so gaya tha, kahi tuta toh nahi ?

Achanak se mein chashmish ko bhul kar, phone ko chaaro taraf se dhang se check karta hu !

Ohh ! Shukra hai Mahadev ka ! Bach gaya.. warna tut jaata toh, ek naya bawaal, ghar waale toh jaan hi le lete..

Scholarship ke paise aur mataji ke pair pakad kar, ro dhokar, paise juthakar toh yeh phone kharida tha !

Agar tut jaata toh chashmish se baat karne ke liye kidney bechkar phone lena padta !

Meine phone ko dekhne ke baad, chashmish ko, good morning ka message send kiya..

Kafi der intezaar kiya, jab koi reply nahi aaya toh mein nahane chala gaya...

Nahakar aaya toh bhi voh, offline hi thi.. abb ham class gaye, mera man toh ho raha tha ki chaubey ji aur Maurya ko bata de, ki chashmish mil gayi hai hame ! Par socha, rehne do.. jab number mil jayega, baat aur aage badh jaayegi toh batayenge..

Din bhar ki class ke baad, mein thak kar so raha tha.. toh 5 baje uska message aata hai,

Bondita : good evening !

Pov continues...
Meine turant reply kiya...

Anirudh : bohot jaldi aa gayi !

Bondita : toh kya ? Waise, lagta hai tum mera hi intezaar kar rahe the..

Anirudh : n..nahi voh toh mein ese hi, facebook par news ke page se news padh raha tha.. bas !

Bondita : ohh ! Ok bye..

Anirudh : aree itne jaldi ?!

Bondita : haa, tum news padho

Anirudh : aree nahi yaar ! News nahi padh raha tha, tumhare hi message ka intezaar kar raha tha..

Bondita : mere message ka intezaar, kyu ??

Anirudh : bas, ese hi !

Bondita : ese hi kya ?

Anirudh : mujhe nahi pata ! Waise bhi har baat pe kab, kyu, kaha, kaise ka koi jawab nahi hota !

Bondita : dialogue mat maaro ! Jaao abb intezaar karo, mujhe kaam hai, mein Lanka jaa rahi hu..

Anirudh : kya kaam hai ? Waise, apni unn do boxer saheliyon ke saath jaa rahi ho na ?

Bondita : nahi, mein unke saath nahi jaa rahi.. mein unn dono se ghussa hu..

Anirudh : kyu ?? Ghussa kyu ho ??

Bondita : bas ese hi, abb tum jao ! Sab tumhari wajah se hi hai !

Anirudh : aree ab meri wajah se kya abb, meine kya kar kiya ??

Bondita : puchhna nahi ki tumne kya kiya.. sab jab bhi dekhti hai, hamesha chidhati hai..

Yaar, chashma bohot pyaara hai, ham bhi le le ek chashma ?

Saari ladkiyo ke saamne hasti hai mujh par, sab tumhaari wajah se hua hai, mujhe tum pe bohot ghussa aata hai, tumhe pitne ka man karta hai !

Anirudh : achha, sorry yaar ! Chhodo unn boxoro ko, mein aa jau ?? Lanka pe milte hai ! Aur tum mujhe maar bhi lena !!

POV continues..
Voh hasne lagi !!

Bondita : jarurat nahi hai, tum rehne do ! Mat aao, mein apna kaam khud kar lungi..

Anirudh : mujhe, pata hai ki chashmish, tum jhansi ki rani ho ! Par mein toh sadharan purush hu..! Hame jarurat padti hai !

Bondita : tumhe kya kaam hai ?

Anirudh : waha aa kar batata hu !

Bondita : toh thik hai, jaldi aao, mein tayar hone jaa rahi hu..

Anirudh : mein bas, 20 min mein Lanka gate par pahuchta hu.. online rehna..

Bondita : ok !

POV continues...
Mein khushi se uchal raha tha, turant wash basin mein jaa kar, meine muh ragad ragad kar dhoya.. jaise jindagi bhar ki chamak aaj hi laani ho, chehre pe.. ! Aa kar kapde pehne, perfume lagaya aur nikal liye jhumte huye Lanka !! Meine usko message kiya, ki mein nikal gaya hu hostel se, bas 15 min mein Lanka pahuch raha hu, mein tezi se chal raha tha, tabhi pichhe se ek bike wala aaya,

Meine lift maangi aur aa gaya Lanka..! Meine phir se message check kiya, par uska koi message nahi aaya tha abhi tak ! Mein kafi jaldi aa gaya tha, soch raha tha, bekar mein lift maangi, paidal hi aa jana chahiye tha !

10 min baad, uska message aaya,

Bondita : bas tayar ho gayi hu, nikal rahi hu ! Tum Lanka pohcho, gate par !

POV continues...
Meine message kiya..

Anirudh : mein gate par hi wait kar raha hu !

Bondita : itne jaldi aa gaye ?!

Anirudh : woh ek banda mil gaya tha, toh voh bike se chhod diya !

Bondita : ohh ! Toh bas 5 min ruko..

Anirudh : ok !

_______*_______

To be continued...