နွေဦးရဲ့နေ့လည်ခင်းက လေပြေလေးခပ်ဝှေ့ဝှေ့က တိုးတိုက်ကျီစယ်နေပြန်တာကြောင့် သာသာယာယာရှိလှသည်။
Wonwoo တစ်ယောက် Site တွေဘက်ကို လှည့်ပတ်စစ်ဆေးဖို့ ရှိနေတာကြောင့် နွေဦးရဲ့ သာယာလှပမှုကို ခံစားမနေနိုင်ခဲ့ချေ..
"ဆရာ ကားအဆင်သင့်ဖြစ်ပါပြီ။ "
လက်ထောက်ဖြစ်သူက လာရောက်အသိပေးသောကြောင့် လိုအပ်သည့်စာရွက်စာတမ်းများကို ယူဆောင်ကာ အောက်ထပ်ကိုသာဆင်းလာခဲ့သည်။
ဆောက်လုပ်ရေးလုပ်ငန်းခွင်ကို စစ်ဆေးမှာဖြစ်သောကြောင့် Suit အပြည့်အစုံနှင့်မဟုတ်ပဲ အဖြူရောင် Tshirt ကို အနက်ရောင် style pant နှင့်ရိုးရှင်းစွာ တွဲဖက်ဝတ်ဆင်ထားသော်လည်း နဂိုချောမောမှုကပျောက် မသွားခဲ့..
ကားရှိရာကိုလာတဲ့ လမ်းတစ်လျှောက် အမျိုးသမီးဝန်ထမ်းငယ်လေးများရဲ့ အကြည့်တွေက Wonwoo စီကိုသာကျရောက်နေသည်။
"ငါတို့ သူဌေးကလေ တကယ်ကို အမြဲတမ်း smart ကျနေတာပဲနော် "
"ဟုတ်ပဟယ် ဘယ်လိုကံကောင်းတဲ့ မိန်းကလေးကများ သူဌေးလို လူရဲ့ လက်ကိုတွဲနိုင်မလဲ မသိဘူးနော် "
"သေချာတာကတော့ ငါတို့ မဟုတ်ပါဘူးဟယ်။ ဘဝက ရုပ်ရှင်မဆန်ဘူး ငါတို့ကလဲ နတ်သမီးလိုချောလှနေတဲ့ ဝန်ထမ်းလေးတွေမဟုတ်ခဲ့ဘူး။"
ထိုသို့သော တီးတိုးစကားများက Wonwoo မကြားရပေမဲ့ သူဖြတ်သွားနောက်မှာရှိနေတတ်စမြဲပါ...
"ဆရာ Site က မြို့ပြင်ဘက်မှာ နည်းနည်းတော့လှမ်းတယ်ဆရာ။ အိမ်ရာစီမံကိန်းအသစ်ဆိုတော့ လူနေအိမ်နည်းပြီး ကျွန်တော်တို့ ဆောက်လက်စ အဆောက်အဦးတွေပဲ ရှိတာကြောင့် မြို့ထဲကထွက်ရင်တော့ လမ်းမကြပ်တော့ဘူး ဆရာ "
Driver ရဲ့ဘေးမှာ ထိုင်နေတဲ့ လက်ထောက်ဖြစ်သူက Wonwoo ကိုပြောပြနေခြင်းဖြစ်သည်။
"ဟုတ်ပြီ ! Dragon Hospital နဲ့ ပတ်သတ်ပြီး လိုအပ်တဲ့စာရွက်စာတမ်းတွေ ကို ပြင်ဆင်ခိုင်းပြီးပြီလား"
"ဟုတ်ကဲ့ Account ဘက်က မြေနေရာကိုတွက်ချက်ပြီး Foundation ချမဲ့ အနေအထားနဲ့ ကနဦး ကုန်ကျစားရိတ်စားရင်း ညနေမှာ အပြီးသတ်မှာပါ "
