រឿង ទឹកភ្នែកសងគំនុំ ( ចប់ )

ep2 ( ក្មេងល្ងង់ )

#រឿងទឹកភ្នែកសងគំនុំ
#ភាគទី2

   ជីមីន ដើរចូលក្នុងបន្ទប់ទឹក របស់លោកម៉ាហ្វៀកំលោះទាំងភ័យខ្លាច ដៃមួយចំហៀងខ្ទប់ក្បាលដែលឈាមហូរនោះ។ ជីមីនចូលមកដល់ក្នុងបន្ទប់ទឹក គេបានវែកសក់មើលរបួលតាមកញ្ចក់ ក៏បានឃើញថា ស្នាមរបួសនោះធំគ្រាន់បើដែរ។ គេគ្មានថ្នាំអ្វីយកកាំបិតនោះទេ មានតែយកទឹកមកលាងរបួសនោះ ឲ្យជ្រះឈាម ហើយបត់ក្រដាសជូតមាត់ ជាពីរយកមកខ្ទប់កន្លែងបែកនោះ។

     ដោយសារតែរងចាំ ជីមីន យូរពេក ជុងគុក ក៏បានចូលមកក្នុងបន្ទប់ទឹកជាមួយនឹងទឹកមុខមួរមៅ ដើរសំដៅទៅរករាងតូច ដែលកំពុងកូរទឹកសាប៊ូក្នុងអាង។

    " ឯងនេះពិតជាយឺតខ្លាំងណាស់! យើងពិតជាស្ដាយលុយណាស់ ដែលទិញឯងមក ធ្វើជាទាសកររបស់យើង! "

ជីមីន ឈប់កូរទឹក ហើយក៏មានមិនបានតបអ្វីនោះឡើយ បានត្រឹមតែឱនមុខចុះ។

   " ឆាប់ចេញពីបន្ទប់នេះទៅ! ការងារបន្ទាប់ទៅរៀបចំ សម្លៀកបំពាក់របស់យើង ចូលក្នុងទូ! "

    " បាទលោក! "

   ជីមីន ដើរចេញទាំងឱនមុខចុះ គេមិនហ៊ានមើលមុខរបស់លោកម៉ាហ្វៀនេះ ពិតជាគួរឲ្យខ្លាចណាស់ សូម្បីតែពេលគេនិយាយចេញមកម្ដងៗ ជីមីន ចង់រត់ចេញពីគេទេ។

    ជីមីន បានរៀបចំសម្លៀកបំពាក់ចូលទៅក្នុងទូ ម្ដងមួយៗ ប៉ុន្តែគេមិនបានចាប់អារម្មណ៍ពីរឿងពណ៌របស់សម្លៀកបំពាក់នោះទេ។ ទម្រាំរៀបចំរួច គេហត់ស្ទើរតែឈរលែងនឹងទៅហើយ ព្រោះសម្លៀកបំពាក់របស់រាងក្រាស់ ច្រើនណាស់ឡើងបីទូឯណោះ។ ណាមួយទូនោះវាខ្ពស់ហូសមាឌរបស់គេទៀត ទើបពិបាកក្នុងការទុកដាក់។

   ក្រោយពីរៀបចំរបស់លោកម៉ាហ្វៀមាឌធំនេះរួច ជីមីន ក៏បានរកមើលថ្នាំ ដើម្បីលាបលើរបួសរបស់គេ ប៉ុន្តែគ្មានថ្នាំអ្វីឲ្យគេលាបនោះទេ។ ទើប ជីមីន សម្រេចចិត្តអង្គុយចាំ រាងក្រាសចេញពីងូតទឹកវិញ។

      រាងកាយដែលមានសាច់ដុំធំៗកង់ៗ ដងខ្លួននៅមានតំណក់ទឹកតិចៗ ក្លិនក្រអូប ថែមទាំងមានចាក់សាក់លើរាងកាយនោះផងដែរ ធ្វើឲ្យ ជីមីន មើលឡើងភ្លឹកតែម្ដង។ គេចេញមកពីមានតែកន្សែងរុំត្រឹមចង្កេះ ហើយដើរមកបង្ហាញឲ្យ ជីមីន ឃើញអ៊ីចឹង គេមានបំណងអីទៅណ៎?
   ជុងគុក សាងទៅបើកទូសម្លៀកបំពាក់របស់គេ នាយក៏ខឹងច្រឡោតភ្លាមៗតែម្ដង។