Before time Passes (အချိန်မလွန်ခင်)[Complete]

part-17

Uni

ဝဠာ နာရီကိုတစ်ချက်ကြည့်လိုက်တော့ မနက်ငါးနာရီထိုးတော့မည်.....။ သွေးသစ်ကိုလှည့်ကြည့်လိုက်တော့..... သူ့ဘက်လှည့်ကာ အိပ်နေတုန်း....။ လက်တစ်ဖက်ကို ခုအိပ်ထားလို့ နှုတ်‌ခမ်းလေးက အနည်းငယ်ဆူနေသည်....။

နေမကောင်းလို့ ဖြူဖပ်နေသည့် နှုတ်ခမ်းသားများနှင့် မျက်ကွင်းညိုများက ဝဠာ့ကို မျက်ရည်ကျဖို့လုံလောက်စေသည်....။ လက်ဖြူဖြူသွယ်သွယ်လေးတွေက ခုတော့ အညိုအမဲများနှင့်....သွေးသစ်ကိုယ်ပေါ်တွင် မနေ့ညက ဝဠာခြုံပေးထားသော ဆောင်ပါးလေးတစ်ထည်က နေရာယူနေလျက်.....။

ဝဠာမှာ စောင်ကိုကြည့်ပြီးမျက်စောင်းတစ်ထိုးထိုး....သူကိုယ်တိုင်ခြုံပေးထား ပေမယ့်လည်း သဝန်တို‌ပါသည်...။

ဝဠာဆိုတာ သွေးသစ် ရှူသွင်းရှူထုတ်နေတဲ့ အောက်ဆီဂျင်နဲ့ကာဗွန်ဒိုင်အောက်ကိုတောင် ဆွဲထိုးလို့ရရင် ဆွဲထိုးချင်ပါရဲ့....သဝန်တိုလွန်းလို့ပင်.....။

သွေးသစ်နိုးလာတော့....ပထမဆုံးမြင်ရသည်က ဝဠာ့ကိုပင်.....။

ဝဠာ၏ ယခုပုံစံက......

တစ်ညလုံးကားမောင်းထားတာတောင် မျက်နှာလေးက ကြည်လင်နေရော....သွေးသစ်လောက် အသားမဖြူပေမယ့် အသားဖြူတဲ့ထဲပါသည်.....။ လက်သည်းခွံကြည်ကြည်လေးတွေနှင့်....လက်ချောင်းပေါ်က မွှေးညှင်းလေးတွေက ဆွဲဆောင်မှုရှိတယ်.....။

ရှပ်အဖြူကို တံတောင်ဆစ်အထိ ခေါက်တင်ထားသောကြောင့် သွေးကြောစိမ်းများက အထင်းသား....ဝဠာက မြန်မာတရုတ်ကပြားဖြစ်လို့.... မျက်ရစ်မပါပေ..။ မျက်ရစ်မပါပေမယ့် အကြည့်တွေက လေးနက်သည်...။
ညာဘက် နားထင်တွင်ရှိသော မှည့်‌နီလေးတစ်လုံးက ပို၍ပင်ထင်ရှားနေကာ.....ပို၍လည်းဆွဲဆောင်နေသည်....။

၆ပေကျော်နေသော အရပ်က သွေးသစ်ထက်ပင် ခေါင်းတစ်လုံးလောက်ပို၍ပင်ရှည်နေသည်....။ နှုတ်ခမ်းပါပါးလေးနှင့် နှာတံစင်းစင်းလေး.....။ အများအမြင်တွင်တော့ ဝဠာ၏ပုံစံသည်....လုံးဝ gentlemen type ဖြစ်သည်.။

တည်ငြိမ်အေးဆေးပြီး......ပြတ်သားသည်။ ဘုရင်တစ်ပါး အလားပဲ....။