ESTÁS LEYENDO

လူသတ်ကောင်ဘယ်သူလဲ?(Realm - 26) [Myanmar Translation]

Misterio / Suspenso

Name(s) : Quick Transmigration Cannon Fodder's Record of Counterattacks Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Who's The Murderer?(Realm-26) E-trans l...

#modern #mystery #system #thriller #transmigration

Chapter - 1

8.6K 368 26 
                                        

                                                  
Unicode

                              
၁၆၇၅။ အဆင့်မြင့်ကမ္ဘာတာဝန်
_____________________

                              
ကုန်သွယ်ရေးခန်းမမှာ ပစ္စည်းတွေရောင်းဝယ်နေကြတဲ့လူတွေရှိပေမယ့် ပစ္စည်းအားလုံးက ရှားပါးပစ္စည်းတွေဖြစ်သည်။ အဲ့ဒါတွေက နဉ်ရှု စာအုပ်ထဲမှာပဲမြင်ဖူးတဲ့ပစ္စည်းတွေဖြစ်၏။

                              
သူမရဲ့ပိုင်ဆိုင်မှုထဲမှာ ဘာကောင်းတာမှတကယ်မရှိဘူးဆိုတာ နဉ်ရှုသိသွားသည်။ သူမမှာရှိတာတွေက ဒီလူတွေမှာရှိတာတွေနဲ့ယှဉ်လို့မရပေ။

                              
အဲ၊ သူမမှာ ဝိဉာဉ်ပုလဲတစ်လုံးရှိတယ်လေ။

                              
ဒါပေမယ့် ဝိဉာဉ်ပုလဲကအရမ်းအသုံးဝင်တာမို့ သူမ ရောင်းဖို့မရည်ရွယ်ပါဘူးနော်။

                              
"2333၊ ဒီကိုလာ။"

                              
မိန်ကျီချင်းက ခန်းမထဲရှိတိုင်လုံးတစ်လုံးကိုမှီထားရင်းမှ နဉ်ရှုကိုလက်ပြသည်။

                              
နဉ်ရှုက ခေါင်းငုံ့ကာ သူမကိုမမြင်ဟန်ဆောင်၏။

                              
"2333။"

                              
နဉ်ရှု : →_→

                              
ဒီနံပါတ်ကိုတကယ်မုန်းတယ်။

                              
နဉ်ရှုက မိန်ကျီချင်းဆီ လေးကန်ကန်လျှောက်သွားသည်။

                              
"အပေါ်ထပ်သွားရအောင်။"

                              
မိန်ကျီချင်းက လမ်းလျှောက်သွားပြီး နဉ်ရှုက သူမနောက်ကနေလိုက်လာသည်။

                              
"ဒီတစ်ခေါက်တာဝန်က အဆင့်မြင့်ကမ္ဘာတစ်ခုမှာရယ်။ အဲ့ကမ္ဘာက အထူးကမ္ဘာအဖြစ်အဆင့်တိုးနေရင်း စည်းမျဉ်းတွေပရမ်းပတာဖြစ်သွားတာ။"

                              
မိန်ကျီချင်းကနဉ်ရှုကိုပြောပြသည်။

                              
"ဒီတာဝန်မှာ တခြားလူ‌တွေလည်းရှိသေးတယ်။ ခဏနေလို့ သူတို့က နင့်နံပါတ်ကဘာလဲမေးရင် နင့်နံပါတ်သာပြောလိုက်။ ဥပမာ၊ ငါ့နံပါတ်က696။"

                              
မိန်ကျီချင်းက နဉ်ရှုကိုပြောသည်။

                              
နဉ်ရှုက စိတ်ဓာတ်ကျနေတဲ့အမူအရာနဲ့ခေါင်းငြိမ့်သည်။ သူမရဲ့နံပါတ်!!?

                              
မိန်ကျီချင်းက အခန်းတစ်ခန်းရဲ့တံခါးကိုဖွင့်လိုက်ပြီး သူမ တံခါးဖွင့်လိုက်တာနဲ့ ငြင်းခုန်နေကြတဲ့အသံတွေထွက်လာသည်။
လူသတ်ကောင်ဘယ်သူလဲ?(Realm - 26) [Myanmar Translation]Donde viven las historias. Descúbrelo ahora