"YU... YU..."
စားပွဲပေါ် ခေါင်းမှောက်နေတဲ့ YU ကို သူ ခေါ်နှိုးနေမိတယ်။ YU က အိပ်ပျော်နေတာလား မသိ။ နှုတ်က ညည်းသံသာ ထွက်ပြီး ထမလာ။
ထိုအချိန် ရုတ်တရက် YU ကို စွေ့ခနဲ ပွေ့ချီလိုက်တဲ့ လက်တစ်စုံပိုင်ရှင်ကို မော့ကြည့်လိုက်ပြီး Evan အံ့ဩတကြီးနဲ့ လှမ်းတားမိတယ်။
"မင်း ဘာလုပ်မလို့လဲ ZiHong"
Lin ZiHong က ခပ်ဆွေဆွေ တစ်ချက်ကြည့်လာပြီး သူတင်ထားမိတဲ့ ပခုံးပေါ်က လက်ကို ခါချတယ်။
"မူးနေပြီလေ အိမ်ထဲ ခေါ်သွားတော့မလို့"
ဒီကောင်က YU ကို ခေါ်သွားမလို့တဲ့။ ကြားတဲ့နားတောင် မယုံနိုင်စရာ။ YU သာ နိုးနေရင် ဆွဲထိုးမှာ ကျိန်းသေတယ်။ သူ့ကို ပြောပြီး ခြေလှမ်းဖို့ လုပ်နေတဲ့ Lin ZiHong ကို သူထပ်မံ လှမ်းတားမိပြန်တယ်။
ဘာအကြောင်းပြချက်နဲ့ တားရမယ်မှန်း မသိပေမဲ့ YU ကို ဒီကောင့်လက်ထဲ ထည့်လိုက်ဖို့ စိတ်က မတင်မကျဖြစ်နေတယ်။
ထပ်မံတားတဲ့ သူ့ကို ဘုကြည့် ကြည့်လာတဲ့ Lin ZiHong က။
"ဘာဖြစ်နေတာလဲ"
Evan ဘာပြောရမယ်မှန်း မသိ။ ဘုကြည့်သာ ပြန်ကြည့်နေမိတယ်။ စိတ်မရှည်ဟန် ဖြစ်လာတဲ့ Lin ZiHong က။
"ဒီပါတီပွဲမှာ သူနဲ့ အသက်ဆိုင်ဆုံးက ငါလေ..."
Lin ZiHong စကားက ပြန်ငြင်းနိုင်စရာမရှိ။ Lin ZiHong က သူ့ သူငယ်ချင်း Yang YuTeng ရဲ့ ပူပူနွေးနွေး သတို့သားပဲ။ ဒါပေမဲ့...။
သူ တွေဝေနေပေမဲ့ Lin ZiHong ကတော့ ပြတ်သားတယ်။ သူ့လက်ကို နောက်တစ်ခါ ခါချပြီး YU ကို ပွေ့ကာ အိမ်ကြီးဆီသို့ ဦးတည်ကာ ခြံဝန်းထဲက မြက်ခင်းပြင် ပါတီကို ကျောခိုင်းထားခဲ့တယ်။
ဇာတ်လိုက် သတို့သားတွေ လစ်ဟာနေတဲ့ ပါတီပွဲကတော့ သူ့အရှိန်နဲ့သူ ကောင်းနေကြပေမဲ့ Evan ကတော့ ဘာမှန်းမသိတဲ့ နောက်ဆံတင်းမှုအတွက် သက်ပြင်းချလျက်။
#_#_#_#_#
ခပ်ပျော့ပျော့ တစ်စုံတစ်ရာပေါ်ကို အိခနဲ ရောက်သွားတဲ့ ခံစားချက်နဲ့အတူ ရီဝေဝေ မျက်လုံးတွေကို သူဖွင့်ကြည့်တဲ့အခါ မြင်ရတဲ့သူ့ကြောင့် မျက်ရည်တွေ အလိုလို ဝေ့လာပြီး လွမ်းဆွတ်တမ်းတစွာ ခပ်တိုးတိုး ခေါ်မြည်းမိတယ်။
YOU ARE READING
Stolen Heart
Fanfictionတစ်ခါတလေ လူတစ်ယောက်ကို မုန်းဖို့အတွက် နှလုံးသားပါ ပေးဆပ်ရတယ် ‼️မှတ်ချက်။ ။ ဤဇာတ်လမ်းသည် တကယ့်လောကမှ မည်သူတစ်ဦးတစ်ယောက်ကိုမှ ထိခိုက်နစ်နာလိုစိတ် မရှိပါ။ စိတ်ကူးယဉ် Fan Fiction တစ်ပုဒ်သာ ဖြစ်သည်။‼️
