Company ရှိရာ တိုက်ရှေ့မှာ ရပ်ထားတဲ့ ကားအနက်ရောင်က သူ့ကို လာကြိုတဲ့ကား။ အထဲမှာ မှာ ဟိုကောင် ပါလား မပါလား သူမသိဘူး။
သူဆင်းလာတာကို မြင်တာနဲ့ အသင့်စောင့်နေတဲ့ Richard က ကားနောက်ခန်းတံခါးကို ဖွင့်ပေးတယ်။ Richard က Lin ZiHong မန်နေဂျာဆိုပေမဲ့ ကိုယ်ရေးကိုယ်တာ ပတ်သက်မှုဆို သူငယ်ချင်းတွေပဲ။ ဒါကြောင့် သူငယ်ချင်းဖြစ်သူအပေါ် အမြဲ ရန်စောင်နေတတ်တဲ့ သူ့ကို Richard ကလည်း သိပ်ကြည်တာတော့ မဟုတ်။
ကားရောက်နေတာကို နာရီဝက်ကျော်လောက် စောင့်ခိုင်းပြီးမှ ဆင်းလာတဲ့ သူ့ကို မကျေနပ်သလို ကြည့်နေတဲ့ Richard ရဲ့ အကြည့်ကို မသိချင်ယောင်ဆောင်ပြီး ကားထဲကို ငုံ့ဝင်ထိုင်လိုက်တော့ မိန့်မိန့်ကြီး ထိုင်နေတာက Lin ZiHong။
ကားထဲ အခုမှ ရောက်တဲ့ သူ့ကို လှည့်လာတဲ့ Lin ZiHong ကလည်း အနောက်တိုင်းဝတ်စုံ နက်ပြာရောင်နဲ့ သူ့ကို Evan ဆင်ပေးလိုက်တာနဲ့ တစ်ရောင်တည်း။
Evan ကတော့ သပ်သပ် လုပ်ချလိုက်ပြီ။ စိတ်ထဲကနေ Evan ကို ကြိတ်ကျိန်ဆဲနေတုန်း။
"မင်း လက်စွပ်ရော"
Lin ZiHong က သူ့ကို လှည့်ကြည့်ပြီး မေးနေပေမဲ့ သူလှည့်မကြည့်။
"Yang YuTeng... လက်စွပ် ဘယ်မှာလဲ"
"လွှင့်ပစ်ပလိုက်ပြီ"
"ဘာ..."
သူ အခုချိန်ထိ Lin ZiHong ကို လှည့်မကြည့်ပေမဲ့ စုပ်တစ်ချက်သပ်တာကို ကြားလိုက်ရတယ်။
"Richard... Couple Ring ပြင်ခိုင်းထားလိုက်... ပွဲထဲ မဝင်ခင် ဝတ်ရမယ်"
ကားရှေ့ခန်းမှာ ထိုင်နေတဲ့ Richard က ခေါင်းညိတ်ပြီး တစ်နေရာကို ဖုန်းဆက်တယ်။ သူနဲ့ Lin ZiHong ရဲ့ မင်္ဂလာကိစ္စတွေကို Richard နဲ့ Evan ကပဲ ပြင်ဆင်ပေးခဲ့တာ ဖြစ်လို့ ပထမ လက်စွပ်လက်အတိုင်းတွေလည်း Richard သိမှာပဲ။
မကြာခင်မှာ ကားက လိုရာခရီးကို မောင်းနှင်သလို ကားနောက်ခန်းက သူတို့နှစ်ယောက်ကလည်း တိတ်ဆိတ်လျက်။
#_#_#_#
ကားက ပွဲကျင်းပရာ ဟိုတယ်ဝန်းအတွင်းရောက်နေပေမဲ့ Lin ZiHong မဆင်းသေးတာကြောင့် သူလည်း ဘာမှန်းမသိ ထိုင်နေရတယ်။ ဒီပွဲက စီးပွားရေးသမားတွေ စုံတဲ့ပွဲဖြစ်တာကြောင့် သူ့နယ်ပယ်လည်း မဟုတ်။ ရှင်းရှင်းပြောရရင် Lin ZiHong နဲ့ လက်ထပ်ထားလို့ တွဲတက်ရတဲ့သဘောပဲ။ Lin ZiHong မပါပဲ သူတစ်ယောက်တည်း ဝင်သွားဖို့ ဘာအကြောင်းမှလည်း မရှိ။
ESTÁS LEYENDO
Stolen Heart
Fanfictionတစ်ခါတလေ လူတစ်ယောက်ကို မုန်းဖို့အတွက် နှလုံးသားပါ ပေးဆပ်ရတယ် ‼️မှတ်ချက်။ ။ ဤဇာတ်လမ်းသည် တကယ့်လောကမှ မည်သူတစ်ဦးတစ်ယောက်ကိုမှ ထိခိုက်နစ်နာလိုစိတ် မရှိပါ။ စိတ်ကူးယဉ် Fan Fiction တစ်ပုဒ်သာ ဖြစ်သည်။‼️
