"သိရဲ့သားနဲ့... ဘာဖြစ်လို့ မေးတာလဲ"
သူ Evan ကို ခပ်တည်တည်ပဲ ပြန်မေးလိုက်တယ်။ ကောက သူ့အတွက် ဘယ်လို ဖြစ်တည်မှုလဲဆိုတာ Evan ကောင်းကောင်း သိထားပြီးသားပဲ။ ထိုအခါ Evan က သူ့စကားကို ထောက်ခံတဲ့သဘောနဲ့ ခေါင်းညိတ်ပြပြီး စကားကို ဆက်တယ်။
"ဟုတ်တယ်... ငါသိတယ်... မင်း အသက် ၁၂ နှစ်လောက်ကတည်းက ခင်တွယ်စွဲလမ်းခဲ့ရတဲ့ လူတစ်ယောက်... ဟုတ်တယ်မလား"
"အွင်း..."
မမှားတာမို့ သူ ထောက်ခံလိုက်တယ်။
"၁၂ နှစ်တုန်းကတော့ အချစ်ဟုတ်မှ ဟုတ်မှပေါ့... ဒါပေမဲ့ အရွယ်ရောက်လာတော့ စွဲလမ်းစိတ်က အချစ်ဖြစ်လာတယ်... ဟုတ်လား"
သူ ပြောပြလို့ သိထားတဲ့ကိစ္စတွေကို သူ့ကို ပြန်မေးနေတဲ့ Evan ကို စိတ်မရှည်တော့ဘူး။
"ဟုတ်တယ်... မင်း ဘာပြောချင်တာလဲ"
"ငါ တစ်ခုမေးမယ်... မင်း သေချာစဉ်းစားနော်..."
"မေး... မေး..."
"အကယ်၍... မင်း စွဲလမ်းခဲ့တဲ့သူက Gao ShiDe မဟုတ်ဘူးဆိုရင်ရော..."
Evan ရဲ့ မေးခွန်းကြီးက အဓိပ္ပာယ်မဲ့လွန်းတာကြောင့် သူ နားမလည်နိုင်တော့။
"မင်း ဘာကို ဆိုလိုချင်နေတာလဲ... ဘာလို့ မဟုတ်ရမှာလဲ"
Evan ပြန်ဖြေရမယ့် အဖြေကို မျှော်လင့်ရင်း သူ ရင်တွေပါ တုန်လာတယ်။
"ငါ့အထင်တော့ Gao ShiDe မဟုတ်ဘူး"
ကော မဟုတ်ရင် ဘယ်သူလဲ။ ဧကန္တ...။ မဖြစ်နိုင်ဘူး။ ယောင်လို့တောင် ဖြစ်လို့မရဘူး။
"မဖြစ်နိုင်ဘူး... အဓိပ္ပာယ်မရှိတာ... မင်း ဘာတွေ ပြောနေတာလဲ Evan... ငါ ဘာမှ နားမလည်တော့ဘူး"
"ငါ ရှင်းပြမယ်... Richard နဲ့ စကားကြုံလို့ Lin မိသားစုအကြောင်း ပြောဖြစ်တယ်... မင်းလည်း သိတယ်မလား... Gao ShiDe နဲ့ Lin ZiHong အမေအရင်းက တရားဝင်ဇနီး မဟုတ်ဘူးဆိုတာ..."
Evan ပြောတာကို သူ ရင်တထိတ်ထိတ်နဲ့ နားထောင်နေမိတယ်။
"သူတို့အမေက အမြွှာမွေးပေမဲ့ မွေးရာပါ ကျန်းမာရေးမကောင်းတဲ့ Lin ZiHong ကို Lin မိသားစုကို ပေးခဲ့တာ... Gao ShiDe က သူတို့အမေဆုံးပြီး ၁၆ နှစ်သားလောက်မှ Lin မိသားစုကို ရောက်တာ..."
JE LEEST
Stolen Heart
Fanfictieတစ်ခါတလေ လူတစ်ယောက်ကို မုန်းဖို့အတွက် နှလုံးသားပါ ပေးဆပ်ရတယ် ‼️မှတ်ချက်။ ။ ဤဇာတ်လမ်းသည် တကယ့်လောကမှ မည်သူတစ်ဦးတစ်ယောက်ကိုမှ ထိခိုက်နစ်နာလိုစိတ် မရှိပါ။ စိတ်ကူးယဉ် Fan Fiction တစ်ပုဒ်သာ ဖြစ်သည်။‼️
