Stolen Heart

8

သူ့စကားကြောင့် Yang YuTeng ရဲ့ မျက်လုံးတွေက ခဏဝောာ့ ပျော့ညံ့သွားတယ်။ စက္ကန့်ပိုင်းဝောာင် မခံလိုက် ပြန်လည် ခက်ထန်လာတဲ့ မျက်လုံးတွေနဲ့အတူ တိုးဝင်လာတဲ့ လက်သီးတစ်လုံးကို သူရှောင်လိုက်ပြီး ဟန်ချက်ပျက်ကာ ယိုင်ကျလာတဲ့ ခန္ဓာကိုယ်ကို သူပွေ့ထိန်းလိုက်တယ်။

"လွှတ်...! Lin ZiHong...! ငါ့ကို လွှတ်"

ရင်ဘတ်နဲ့ မျက်နှာ‌အပ်နေတာကြောင့် မသဲမကွဲ ပလုံးပထွေး အော်နေတဲ့ Yang YuTeng ကို သူတင်းကျပ်စွာ ဖက်ထားရင်း နာကျင်စွာ ဝန်ခံလိုက်တယ်။

"ငါ မင်းကို ချစ်တယ်"

ဒီလိုစကားမျိုးပြောဖို့ အချိန်ကောင်းတော့ မဟုတ်မှန်း သိတယ်။ ဒါပေမဲ့ သူပြောချင်လာတယ်။ ပြောချလိုက်တယ်။ Yang YuTeng ဘယ်လို တုံ့ပြန်မလဲဆိုတာကို သိသိရက်နဲ့ပေါ့။

စကားဆုံးတာနဲ့ အားနဲ့ ဆောင့်တွန်းခံလိုက်ရတာကြောင့် နောက်ဆုတ်သွားရတဲ့ သူ့က Yang YuTeng ကို ‌လက်လွှတ်လိုက်ရတယ်။ မျက်ရည်တွေနဲ့ စိုက်ကြည့်နေတဲ့ Yang YuTeng ကြောင့် သူနာကျင်ရပြန်တယ်။ Yang YuTeng ကို သူမငိုစေချင်ဘူး။ ဒါပေမဲ့ ဘယ်တော့မှ မဆင်ခြင်ဘူး။

သူ့စကားတွေ၊ သူလုပ်ရက်တွေ၊ နောက်ဆုံး သူကိုယ်တိုင်ကိုက Yang YuTeng အတွက် နာကျင်စရာ ဖြစ်နေတယ်။

"YU... "

ခေါ်သံ လာရာကို လှည့်ကြည့်တော့ သူတို့နှစ်ယောက်ရဲ့ အခြေအနေကို အကဲခတ်နေတဲ့ Evan က။

"ငါ... ဝင်လာရမှာလား"

#_#_#_#

"YU..."

Evan ကို ခေါ်တုန်းက ခေါ်ထားပြီး ရောက်ကတည်းက ဘာစကားမှ မပြောမိတာကြောင့် Evan က စပြီး အသံပေးတယ်။ Evan ရောက်လာကတည်းက Lin ZiHong က ရှောင်ထွက်သွားပေးတယ်။ သူလည်း Lin ZiHong ပြောသွားတဲ့ စကားကြောင့် စိတ်နဲ့ ကိုယ်နဲ့ မကပ်။ ဘေးမှာ ထိုင်နေတဲ့ Evan ကိုတောင် မေ့နေတဲ့အထိ။

သူ့ကို အသံပြုပေးလာတဲ့ Evan ကို အလေးအနက် စိုက်ကြည့်ပြီး။

"ငါ ဆေးရုံမှာ ဘယ်လောက်နေရမှာလဲ"

"မင်းခြေထောက်က အရမ်းထိခိုက်သွားတာမျိုး မဟုတ်ပါဘူး... တစ်လလောက် နားရင် ပြန်ကောင်းမှာပါ... ဆေးရုံကတော့ တစ်ပတ်လောက်ပဲ တက်ပြီး အိမ်ပြန်နားလို့ရတယ်... ဒါပေမဲ့ Lin ZiHong က ဆေးရုံမှာပဲ ထားမလားတော့ မသိဘူး.. VIP ခန်းက အိမ်လိုပဲ ပြည့်စုံနေတာ ဆိုတော့..."