နွားနို့သောက်ဖို့ မီးဖိုခန်းကို ဝင်လာတဲ့အခါ ကော်ဖီဖျော်နေတဲ့ Gao ShiDe ကို တွေ့ရတယ်။ ခြေသံကြောင့် သူကို လှည့်ကြည့်လာတဲ့ Gao ShiDe က။
"ZiHong... ဘာလိုလို့လဲ"
သူ ရေခဲသေတ္တာဆီ ဆက်လျှောက်သွားပြီး တံခါးဖွင့်ရင်း။
"နွားနို့သောက်မလို့..."
ပြောပြောဆိုဆိုနဲ့ နွားနို့ဘူးကို ထုတ်ပြီး ခွက်နဲ့ ထည့်ပြီးတဲ့အချိန်မှာတော့ ကော်ဖီဖျော်ပြီးတဲ့ Gao ShiDe ကလည်း စာအုပ်တစ်အုပ်နဲ့ စားပွဲမှာ ဝင်ထိုင်နေတယ်။ အစကတော့ အခန်းထဲ ယူပြီး သောက်ဖို့ တွေးထားပေမဲ့ အခုတော့ သူ တစ်စုံတစ်ရာကို သတိရဟန်နဲ့ Gao ShiDe နဲ့ မျက်နှာချင်းဆိုင် ဝင်ထိုင်လိုက်တယ်။
နွားနို့ကို တစ်ငုံ အရင်ငုံလိုက်ပြီးမှ သူ့ စ,ချင်တဲ့ စကားကို ခပ်တည်တည် အစပျိုးလိုက်သည်။
"ဟို... ဒီနေ့ ဟိုဘက်ခြံက ကောင်လေး မတွေ့ပါလား"
သူ ဒီစံအိမ်မှာ လာနေတဲ့ တစ်ပတ်အတွင်း Yang YuTeng ဆိုတဲ့ ကောင်လေးက Gao ShiDe ဆီ အမြဲ လာတတ်တယ်။ သူ့ခြံဘက်ကို ခေါ်သွားတဲ့ အခါလည်း ခေါ်သွားသလို၊ ဒီဘက်ခြံထဲ နေတဲ့အခါလည်း နေတယ်။ ဒီနေ့တော့ ထူးထူးဆန်းဆန်း တနေကုန်နေလို့ Yang YuTeng ကို အရိပ်အယောင်တောင် မတွေ့ရ။
စာအုပ်ကနေ မျက်နှာလွှဲပြီး သူ့ကို လှန်ကြည့်လာတဲ့ Gao ShiDe က။
"YU လား... သူ အိမ်ပြန်သွားပြီလေ... သူလည်း မင်းလိုပဲ... ဒီမှာ ခဏ လာနားတာ... အမြဲနေတာ မဟုတ်ဘူး... ကျောင်းတစ်ဖက်နဲ့..."
"ကျောင်းသားပဲ ရှိသေးတာပေါ့"
"တက္ကသိုလ်ကျောင်းသား... အော်... ပြီးတော့ YU က အနုပညာရှင်အဖြစ် ပွဲဦးထွက်ဖို့ ပြင်ဆင်နေတာ... အသံလည်းကောင်းတယ်... ဂစ်တာ တီးတာလည်း တော်တယ်... သီချင်းလည်း ရေးတတ်တယ်"
သူ အများကြီး မေးစရာမလိုပဲ Gao ShiDe က Yang YuTeng အကြောင်း ဝေဝေဆာဆာပြောပြနေတာကို တကယ်ဆို ကျေးဇူးတင်သင့်ပေမဲ့ စိတ်ထဲတော့ သိပ်မကျေနပ်ချင်သလိုပင်။
"မင်းက သူ့အကြောင်း တော်တော် သိတာပဲ"
ကော်ဖီကို တစ်ငုံ မော့ရင်း ပြုံးပြီး ဖြေလာတဲ့ Gao ShiDe က။
ESTÁS LEYENDO
Stolen Heart
Fanfictionတစ်ခါတလေ လူတစ်ယောက်ကို မုန်းဖို့အတွက် နှလုံးသားပါ ပေးဆပ်ရတယ် ‼️မှတ်ချက်။ ။ ဤဇာတ်လမ်းသည် တကယ့်လောကမှ မည်သူတစ်ဦးတစ်ယောက်ကိုမှ ထိခိုက်နစ်နာလိုစိတ် မရှိပါ။ စိတ်ကူးယဉ် Fan Fiction တစ်ပုဒ်သာ ဖြစ်သည်။‼️
