သူ့မျက်စိရှေ့က Yang YuTeng ကို သူ ခပ်စွာစွာလေး စိုက်ကြည့်နေလိုက်တယ်။ သူ့ကြောင့် Yang YuTeng မပြုံးပေမဲ့၊ သူ့ကြောင့် Yang YuTeng ဆူပုတ်တတ်တယ်။ ဒေါသထွက်တတ်တယ်။ သူ့ကြောင့် ဖြစ်လာတဲ့ Yang YuTeng ရဲ့ ဒေါသကိုပဲ သူကျေနပ်နေတတ်တာလား မသိ။ သူ့ကြောင့် ဒေါသထွက်တဲ့ ကောင်လေးကို မြင်ရင် ပိုဒေါသထွက်အောင် လုပ်ချင်တဲ့ လောဘမျိုး ရှိလာတယ်။
Yang YuTeng က သူ့အကြည့်ကို လွှဲပြီး Gao ShiDe ဘက်ကို လှည့်သွားတယ်။ သူနဲ့ ဖက်မဖြစ်ချင်တဲ့သဘော။
"ကော... ကျွန်တော် ဆင်းတော့မယ်"
ပြောပြောဆိုဆိုနဲ့ သူ့ကို ဖြတ်ပြီး လှေကားတွေဆီ ဆင်းသွားတဲ့ Yang YuTeng နောက်ကို Gao ShiDe ကလည်း လိုက်သွားတယ်။
"ZiHong... မင်းလည်း ဆင်းခဲ့..."
Gao ShiDe သူ့ကို ကပ်ပြောသွားပေမဲ့ ဂရုမစိုက်။ သူက လှေကားသုံးထစ်လောက် ရောက်သွားတဲ့ Yang YuTeng ကို ကလိချင်သေးတယ်။
"Yang YuTeng..."
သူ့ခေါ်သံကြောင့် ကြားထဲက Gao ShiDe ကို ကျော်ပြီး ပေစောင်းစောင်းလှည့်ကြည့်တဲ့ Yang YuTeng။
"မွေးနေ့ရှင်က မွေးနေ့ပွဲကို ပြန်ထိန်းနော်... လျှောက်သွားမနေနဲ့... နားညီးတယ်"
ခနဲ့တဲ့တဲ့ ပြောပြီး ခပ်ရွဲ့ရွဲ့ ပြုံးပြလိုက်တော့ ဒေါသတွေ ပေါက်ထွက်လာတဲ့ ကောင်လေးက သူ့ကို ထိုးဖို့ ပြန်ပြေးတက်လာတယ်။ ကြားထဲက Gao ShiDe က အတင်းဖက်ကာ တားထားပေမဲ့ ကောင်လေးက ရုန်းနေဆဲ။ သူ့ကို တော်တော် ထိုးချင်နေပုံရတယ်။
စွာနေတဲ့ ကောင်လေးကို သူကြည့်နေရင်းပဲ အဖြစ်အပျက်က မြန်ဆန်လွန်းတယ်။ ရုန်းကန်ရင် ခြေချော်သွားတဲ့ Yang YuTeng နဲ့ လိုက်ထိန်းနေတဲ့ Gao ShiDe တို့ လှေထစ်တွေအတိုင်း လိမ့်ကျသွားတယ်။
ခဏတာ မှင်သက်သွားတဲ့ သူ သတိဝင်လာတာနဲ့ လှေကားထစ်တွေအဆုံး ငြိမ်သက်နေတဲ့သူနှစ်ယောက်ရှိရာကို ပြေးဆင်းလာတယ်။
"Yang YuTeng... ShiDe... "
နှစ်ယောက်လုံး ခေါ်မလို့မရ။ သူ ပူထူလာသလို ရင်ဘတ်တွေလည်း အောင့်လာတယ်။ သွေးတွေကိုလည်း မျက်စိထဲ မြင်နေပေမဲ့ ဘယ်သူ့သွေးမှန်း သူ မသိတော့။
YOU ARE READING
Stolen Heart
Fanfictionတစ်ခါတလေ လူတစ်ယောက်ကို မုန်းဖို့အတွက် နှလုံးသားပါ ပေးဆပ်ရတယ် ‼️မှတ်ချက်။ ။ ဤဇာတ်လမ်းသည် တကယ့်လောကမှ မည်သူတစ်ဦးတစ်ယောက်ကိုမှ ထိခိုက်နစ်နာလိုစိတ် မရှိပါ။ စိတ်ကူးယဉ် Fan Fiction တစ်ပုဒ်သာ ဖြစ်သည်။‼️
